尋日(2/4)俾網民發現喺官塘一宗交通意外，大台綠葉楊證華願意落車幫手指揮交通，佢嘅熱心被網民大讚係件好人好事。
楊證華唔只係好市民，佢仲係一個暖男。15年佢同綠葉演員沈可欣結婚，兩個現育有一個歲幾嘅囝囝楊宏志。
兩個由十幾年同事，最後結成夫妻，雖然有註冊兼擺酒，不過就係欠一個浪漫嘅求婚過程，令楊證華感到遺憾。
近日佢兩公婆拍大台愛情節目《1+1的深情》，楊證華為咗俾老婆一個驚喜，約番當日結婚嘅兄弟姊妹團，book埋直昇機，然後對住鏡頭向老婆沈可欣再一次求婚，並且許下照顧佢一生一世嘅承諾：「老婆，雖然我地結咗婚有了小朋友，我們註冊、補擺喜酒，但當中有些過程miss了，miss了一個隆重的求婚儀式。今日，我帶了你最好的姊妹，我最好的兄弟一齊過來，同埋我們幻想過的求婚儀式，直昇機。在將來的日子我會用盡我的能力，守謢你、保護你愛護你和楊宏志。」
老婆同佢講過嘅每句說話同要求，原來楊證華一直記喺心中，所以當刻沈可欣感動到爆喊！
- 專程book架直昇機，為老婆補辦浪漫嘅求婚過程，楊證華其實係一個細心體貼嘅老公。
- 佢仲約埋當日婚禮嘅兄弟姊妹團，包括楊明同何遠東等人，見證佢求婚一幕。
- 真係踎曬地架！
- 兩公婆育有一個歲幾大嘅囝囝。
- 兩個做咗十幾年同事，到14年先開始成為戀人，15年結成夫婦。
- 節目中佢仲為老婆煮番兩味，慰勞佢辛苦湊仔。
- 楊證華之前喺官場一宗交通意外，協助現場指揮交通，一顆熱心俾網民激讚。
來源 source: http://nextplus.nextmedia.com
|
鍾意就快D Share啦！
|
|
|
