掃呢頁CODE去手機

2018年4月24日 星期二

黎明捉二五仔!原來圈中有好多「漢奸」 __,黎明,

黎明嘅「漢奸論」矛頭應該唔係指向呢幾個啩?!天王黎明見生女消息洩露,護女心切嘅佢忍唔住發炮,以「漢奸論」力斥爆料者,指爆料者有「漢奸基因」,嘩!真係國 ...


黎明嘅「漢奸論」矛頭應該唔係指向呢幾個啩?!


天王黎明見生女消息洩露,護女心切嘅佢忍唔住發炮,以「漢奸論」力斥爆料者,指爆料者有「漢奸基因」,嘩!真係國仇家恨乜都齊!關於基因即係DNA呢個核心嘅外圍,即係核心嘅內圍,其實黎明點會唔明,佢首《DNA出錯》都咁唱啦:「我不是一個普普通通的男人,擁有很多不可思議的可能也許是遺傳成份,叫我不假不真,有什麼不可發生。」講到漢奸,又點止得一個,有好多天王巨星甚至綠葉都「變節」做過,仲要做到攞埋獎揚威海外!同埋做漢奸,點止出賣情報咁簡單,真係有汗出先有糧出!

【漢奸001】梁朝偉 變節年份:2007年

梁朝偉喺電影《色,戒》飾演汪精衞政府情報機關嘅頭目「易先生」,平時口黑面黑,捉拿異己嚴刑逼供,對住出美人計索情報嘅湯唯「王佳芝」就失守,肉搏連場出汗又出力,有傳話係「打真軍」,仲要送埋隻鴿子蛋戒指,唉!英雄真係難過美人關!偉仔變節有價,憑呢部戲做咗金馬影帝!

【漢奸002】黃韻詩 變節年份:1991年

喺電影《賭俠2之上海灘賭聖》飾演川島芳子嘅女星黃韻詩,同「今晚打老虎」嘅賭聖周星馳對賭,之前仲要周星馳自我催眠憎丁力,佢一句:「我要殺死丁力呢個X街!」真係隔咗27年都一樣咁經典,勁過俄國戲劇大師史坦尼斯拉夫斯基!

【漢奸003】黃一飛 變節年份:1994年

盲都可以做漢奸?黃一飛喺電影《國產凌凌漆》一出場,仲要被人拎去打靶,衰乜?佢就咁講:「你哋做人要有啲良知至得!係人都知,我係盲嘅,你哋居然屈一個盲人偷睇國防機密!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!