掃呢頁CODE去手機

2018年5月31日 星期四

DEAL:寸王入場睇到實 曼聯準備簽後生伊巴! __,曼聯,

(法新社、互聯網圖片)即睇阿拿奧杜域靚助攻:https://bit.ly/2H4SvBA 周四凌晨國際熱身賽,俄羅斯作客奧地利。應屆世界盃東道主俄軍, ...


(法新社、互聯網圖片)


即睇阿拿奧杜域靚助攻:https://bit.ly/2H4SvBA 

周四凌晨國際熱身賽,俄羅斯作客奧地利。應屆世界盃東道主俄軍,造訪奧地利毫無甜頭落敗而回,理應成為報道焦點,但意外地莫連奴先係今仗風頭躉。呢位曼聯領隊被影到頭戴鴨嘴帽、着晒深色衫於現場睇波,英媒披露寸王係睇奧地利國腳、韋斯咸前鋒阿拿奧杜域表現,好快就會出手搶人。

奧地利雖然未能殺入世盃決賽周,但今場演出唔曳,阿拿奧杜域正選落場好搶鏡,28分鐘佢於右路快放,入到禁區瀟灑一Cup跟手妙傳中路,舒賀夫趕到一抽入網。之後阿拿奧地域多次搞到俄軍後防風聲鶴唳,其中一次埋門更好入肉,若非艾堅菲夫好身手,俄軍最後肯定唔只輸0:1。

今場入場人數唔算多,但莫連奴竟成為坐上客。雖然佢賽後話,依家係度緊假今仗只係純粹睇波,但英媒話佢好可能係為阿拿奧杜域以來。呢位好波之人今年29歲,上季先以2400萬鎊由史篤城轉投韋斯咸,好快成為錘仔迷寵兒,全季射入11球貢獻6個助攻,近三季有兩季入球多過10球。佢身材高大腳法極佳,擅於為隊友製造入球機會,而且亦擁有不俗把握力,故有奧地利伊巴謙莫域之稱。查實二人於8年前合作過,當時阿拿奧杜域被借到國際米蘭,時任國米教練莫連奴,其時冇咩畀機會佢落場,亦公開講過奧國伊巴思想唔夠成熟,但8年過後已係另一回事。

奧國伊巴於英超效力5季,已完全適應聯賽節奏,而曼聯除盧卡古外,其餘射手如拉舒福特、安東尼馬迪爾等,前線表現都未能說服寸王,故曼聯對阿拿奧杜域有興趣亦好合理。英媒認為,韋斯咸將難抵曼聯出價,但絕對要收番多於2400萬鎊先會考慮。

即上彩報世盃專頁:http://win.on.cc/football/cup2018/ 

Go Go 開波 GOAL DX 策略手遊

贏盡100萬現金獎賞 https://goo.gl/irtKhK 

東網體育同你追實體壇每個精彩時刻! 

https://goo.gl/ewVpvE 


來源 source: http://hk.on.cc
鍾意就快D Share啦!