熱爆娛樂: 【爆相爆片】Heidi現身洗米華慶祝44歲生日…收頭盔！ _

2018年5月31日星期四

【爆相爆片】Heidi現身洗米華慶祝44歲生日…收頭盔！ __,洗米華,李靜儀,Heidi,周焯華,

噚日（30號）係太陽娛樂老闆周焯華（洗米華）嘅44歲生日，亦係佢同正印陳慧玲（Heidi）所生嘅細女周羨潼（Damiana）嘅3歲生日，父女同日生，所以洗米華過去都會同囡囡一齊開生日會，一齊慶祝。

有讀者透過「爆相爆片」提供咗幾條短片，洗米華同細女羨潼一齊慶祝生日，生日會嘅舉行地點喺澳門一間酒店，個backdrop寫住「Chau's Family Damiana and 華哥 Happy Birthday」，除咗周爸爸、洗米華家姐、洗米仔、Heidi同埋大女全部都有現身外，再加埋現場有唔少賓客，場面好熱鬧又溫馨。

話晒生日會有兩個主角，生日蛋糕當然有唔同款，大人細路都有禮物，大家齊齊唱完生日歌之後，洗米仔做代表獻吻，跟住睇到洗米華拆禮物個樣都好心急，搞到台下都有人叫洗米仔幫吓老竇，最後大家送咗頭盔俾洗米華做禮物！

而洗米華冇忘記另一3歲囡囡——即係佢同情人Mandy Lieu所生嗰個，日前《蘋果》影咗佢單拖喺英國坐飛機返嚟，相信係佢專登飛到當地，同Mandy生嘅囡囡提早慶祝喺今個月20號嘅生日（新聞連結： https://bit.ly/2Jd59n0 ）然後返港，真係好忙。

精選娛聞，喺晒《娛果》

http://fb.com/appledailyent

（讀者提供圖片）	噚日係太陽娛樂老闆周焯華(洗米華)嘅44歲生日（讀者提供圖片）	 洗米華同細女羨潼一齊慶祝生日，生日會嘅舉行地點喺澳門一間酒店。（讀者提供圖片）
 大人細路都有禮物，大家齊齊唱完生日歌之後，洗米仔做代表獻吻。（讀者提供圖片）	 最後大家送咗頭盔俾洗米華做禮物！（讀者提供圖片）