每日大量精彩內容，立即按此連結下載APP： http://bit.ly/next28app
59歲的艾威，同老婆Lisa結婚16年，一直膝下猶虛。15年威嫂割除子宮巨瘤，當爸爸這回事，艾威更加不再想。
不過去年因著牠的來臨，令夫婦二人終嘗到做父母的感受。
「你知我哋唔可以有小朋友，而佢就係我哋嘅小朋友。」艾威說。
去年他養了頭伯恩山犬Sashimi，轉眼間現在已經一歲半，「兩父子」相遇是一種緣分。
艾威續說:「第一眼覺得牠很可愛，在寵物店接佢返嚟，我唔係幫襯寵物店，而係寵物店的老闆，係我朋友嘅朋友，搵佢幫我尋找這隻品種，其實搵咗一年。後來我將一個月大嘅Sashimi嘅相片傳俾太太睇，佢都話好可愛，帶佢返屋企頭嗰幾日，佢係好乖，但之後就好頑皮。
最令他們意想不到，是一歲多的囝囝Sashimi有管家性格。
「以前我太太身體不好，叫佢早睡早起，佢唔會聽我勸，依家
呢個衰仔有辦法。佢係管家，有時我話要寫稿你瞓先，咁佢入房一陣又出黎，望下你又望下電視，好似話:『你仲唔瞓！』，怕咗佢！每晚十一點就叫我哋上床瞓，唔准我哋睇電視，玩手機，每朝起身佢都以好溫暖笑容迎接你。我老婆依家瞓著都識得發開口夢，笑曬話:哈哈，衰仔！佢鍚老婆多啲…..可能異性相吸，佢黐女多啲。」
Sashimi兩歲未夠，已經生得高大威猛，企起身有近五呎四，可以一個身軀霸曬成張三座位梳化，體重已經去到100磅，似「老豆」咁玉樹臨風。「帶佢去西貢，簡直係似發哥出巡，人見人愛，個個爭住同佢影。」視Sashimi如兒子看待的艾威，已經做定心理準備，有一日寵物先離他而去。「最好笑係收養佢幾日，我上蘇民峰的節目，題材就是講寵物身後事如合處理，我話我剛剛才養狗，竟然問我呢啲問題。
不過我也有作好心理準備，然而與牠一起的歡樂時間已經抵銷了所有傷痛。」艾威說。
|
鍾意就快D Share啦！
|
|
|