因為朋友曾被呃情呃感情，一名醒目港女為搜集渣男罪證，決定與渣男相約見面。
Helen憶述朋友曾在二月中招，最後去了警署備案。其後，Helen在網上認識了渣男泰仔，之前泰仔更主動約會Helen。
二人甫見面，對方一如以往，提出要生日禮物，Helen深明是騙子，完全不願就範，甚至連對方送贈粉晶手鏈都拒收，就連逛街都不感興趣，結果激怒泰仔連環發炮，「你咁唔喜歡逛街，你去死好嗎，你呢個老女人，唔好學人出來識男仔，年紀咁大！」
慘被侮辱，Helen回家後仍氣憤難平，決定開設論壇揭露渣男惡行，撕破對方假面具，「目的係唔希望再有女生上當，將事件寫出來，結果收到很多苦主私下聯絡我，好多人都有相同遭遇。」
民主黨深水埗區議員袁海文表示，近日接獲多宗有關求助，「佢哋希望藉着曖昧關係來獲取信任，再欺騙金錢。首先在淘寶購入次等貨式，訛稱高價貨物，來表達對女士的厚愛。但同時報稱自己生日，要求苦主購買生日禮物，佢哋多數會選擇大型服務連鎖店落手，原因係可辦理退款，容易在二手市場放售禮品，再從中獲利。」
他解釋，由於自願送贈禮物性質，變相不存在欺詐，確實較難舉證及執法，變相讓他們很肆無忌憚利用這個漏洞，四處尋找目標。
撰文：艾馬
攝影：王晴
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|