掃呢頁CODE去手機

2018年6月28日 星期四

【《深宮計》又死人】邊個咁沙膽殺賢太妃?更害到張慧儀羅霖再次反目 __,深宮計,張慧儀,羅霖,

將會喺6月28日播出的第29集《深宮計》,有兩大重點,首先係遇刺後變得瘋瘋癲癲嘅賢太妃(呂珊飾)突然薨逝。其次係徐司珍(羅霖飾)與文太醫,夾計陷害陸司 ...




將會喺6月28日播出的第29集《深宮計》,有兩大重點,首先係遇刺後變得瘋瘋癲癲嘅賢太妃(呂珊飾)突然薨逝。其次係徐司珍(羅霖飾)與文太醫,夾計陷害陸司製(張慧儀飾)。

死因係「長時間被處心積慮以水銀毒死」。按劇情暗示及推斷,嫌疑者有三,包括皇后王蓁、太平公主以及淑太妃(韓馬利飾)。

前兩者曾被賢太妃當眾辱罵,例如鬧皇后:「你唔好忘記,你係無所出嘅皇后。」又鬧太平公主:「你企喺度呀!你為人姑姑唔單只唔以身作則,仲其身不正,簡直就係上樑不正下樑歪。」仲用煮茶器具掟向太平公主添。所以,皇后同太平公主係有殺人動機。

加上,賢太妃薨逝後,李隆基希望將賢太妃解剖驗屍,但皇后同太平公主異口同聲表示「萬萬不可」,話咩「死後不得全屍,於心何忍」,似乎有啲此地無銀嘅味兒。

至於點解連一直陪伴賢太妃、同佢情同姊妹嘅淑太妃都有嫌疑呢?就係因為淑太妃同死者太close,先至最有機會處心積慮咁長時間對賢太妃落水銀。何況佢本來就對太上皇李旦恨之入骨,因為多年前淑太妃兩母女被則天聖后發配守陵,李旦無幫佢哋,愛女之後更死埋。不過,淑太妃入宮再無咄咄逼人,變化之大似乎唔多合理,所以若佢打算隱藏自己,暗下策劃復仇亦非不可能,而且淑太妃都反對驗忍,當李旦話要解剖驗屍查明真相時,淑太妃嘅表情更令人睇得出佢都有啲不可告人嘅秘密。

龍武軍為查明賢太妃死因,亦引發了本集第二個重點,就係當龍武軍去到太醫署查詢水銀被使用情況時,揭發千山靈芝被偷,原來係文太醫偷走並打算變賣賺錢,而徐司珍為幫愛郎隱瞞真相,同時自己又難忘家族血海深仇,所以決定協助文太醫,將偷竊之事嫁禍俾表姊兼家族仇人陸司製。
賢太妃當眾鬧皇后:「你唔好忘記,你係無所出嘅皇后。」

賢太妃當眾鬧太平公主:「你企喺度呀!你為人姑姑唔單只唔以身作則,仲其身不正,簡直就係上樑不正下樑歪。」

李旦話要解剖驗屍查明真相時,淑太妃表情即變。

文太醫偷藥變賣。

徐司珍為幫愛郎隱瞞真相,嫁禍俾表姊兼家族仇人陸司製。


鍾意就快D Share啦!