香港寸金尺土，「上車」對不少年輕人而言是遙遙無期！不過，前港姐龐卓欣（Ada）在富爸爸支持下，豪花1,200萬購入銅鑼灣維港景單位，首次做業主。即將展開獨居生活的Ada，日前與父母一家三口現身家品店為新居張羅，見她揀傢俬甚有主見，打造屬於自己的小天地。
2015年港姐亞軍龐卓欣，當年與同屆及同一名校出身的麥明詩「惡鬥」更屢傳不和，麥明詩卸任後選擇在娛樂圈發展，Ada卻做KOL拍片分享生活點滴，以及教小朋友唱歌，創一番事業。
Ada有位任職基金管理董事總經理的「富爸爸」龐寶林，身為獨女的她被視為掌上明珠，萬千寵愛在一身，早年被送往美國升學。自小生活無憂的Ada，近日終首次置業，搬離家人過獨立生活。據知她在爸爸支持下，以約1,200萬買入位於銅鑼灣一個700呎單位。現時樓價高企，不少年輕人抱怨難「上車」，但今年只有26歲的Ada卻輕鬆置業，原來成功靠父幹，有個「富爸爸」畀首期，一圓上車夢。
親自揀選電器
Ada日前孖父母現身銅鑼灣大眾化連鎖家品店，為新居添置傢俬。見她極速鎖定目標，專攻梳化、組合櫃及飯枱。其父母亦甚為緊張，不時給予意見，反觀Ada卻有自己一套，親自量度尺寸及研究擺位。及後一行人又轉戰大型百貨公司，揀按摩椅、電飯煲及吸塵機等，見她每樣都親自揀選，絕不假手於父母。
呻供樓壓力大
Ada接受本報訪問時，坦承剛榮升業主，認為買樓是個很好的投資，強調要自己供樓：「我依家教小朋友唱歌，每星期都有教班，我要自己供樓，都有壓力，要逼自己儲錢。」問到爸爸為何以樓作獎賞？她說：「佢知我好想有私人空間，同埋買樓真係一個好好嘅投資，買樓真係冇得輸。」據知她手持的單位，短短數月，帳面已升多三百萬，難怪她睇好樓市。雖然樓價癲，但Ada勸勉年輕人不要放棄上車夢：「其實供樓都係等於儲錢，我都想再儲多啲錢買多間。」此外，她說在搬屋期間發現自己有大批舊衫，故打算成立二手網店，發展不同事業。
更多新聞，請瀏覽東方日報網頁：
http://orientaldaily.on.cc/
|
鍾意就快D Share啦！
|
|
|
