現年28歲的林芊妤（Coffee）跟拍拖三年多的銀行高層翟志榮本計劃年底才拉埋天窗，但早前發現懷有身孕，便將婚期提前。現在已懷有5個月身孕的Coffee前晚便低調於金鐘香格里拉酒店舉行婚宴，僅筵開三席邀請至親好友。Coffee友人在Ig分享婚宴情況，Coffee穿上白色露背長裙與新郎行禮，兩人簽紙後即互咀。
Coffee昨午在社交網貼出婚宴照片後留言：「早上起床就在電腦前工作，然後和男朋友吃個早餐，下午去了跑個步，再回家自己化了個淡妝就出發去結婚晚宴。因為我們都喜歡簡簡單單，也認為結婚是很簡單的事情，沒華麗舞台但全是珍貴的畫面，這是我一直幻想的完美婚禮。由現在開始我就是翟師奶了，不過我還是會當你是我男朋友永遠像熱戀一般甜蜜。」
| | |
等BB百日再宴客
Coffee接受訪問時說：「擺咗三圍，都係同屋企人、好朋友食餐飯，冇請圈中人。」她又言沒做傳統出嫁儀式：「冇接新娘，冇上頭，亦冇伴娘，遺憾冇請到好多圈中朋友，等BB百日宴先一次過請朋友嚟。」
老公扮冇戴婚戒
翟志榮為Coffee準備的結婚鑽戒石閃到爆，新婚Coffee昨在旺角接受時笑言：「老公話我呢排都要戴住佢，不過噚晚就畀佢開咗個玩笑，突然問我『唔係你攞戒指咩？』全部人望住我，我唔知點好，眼淚都流落嚟，佢先攞出嚟，夜晚返屋企已懲罰佢！」Coffee表示婚宴籌備一腳踢：「本來我連衫都冇借，但朋友叫我唔可以咁hea。」
採訪：小米
|
鍾意就快D Share啦！
|
|
|
