掃呢頁CODE去手機

2018年7月19日 星期四

【謎網一路向西】廣西社團拱照謎網股 冼國林準備爆大鑊(足本版) __,冼國林,

家陣講社團嘅勢力,唔係乜嘢龍頭家族㗎啦,而喺大叠水嘅廣西社團,近幾年廣西社團做阿爺打手,蛇齋餅糭就梗,又派錢請臨記遊行,又拉埋啲有錢佬及愛國組織,「籌 ...




家陣講社團嘅勢力,唔係乜嘢龍頭家族㗎啦, 而喺大叠水嘅廣西社團,近幾年廣西社團做阿爺打手,蛇齋餅糭就梗,又派錢請臨記遊行,又拉埋啲有錢佬及愛國組織,「籌旗」$1000萬, 贊助前中聯辦主任張曉明大開金口唱大陸歌仔。吖 廣西社團咁豪爽 ,梗係啲乜乜會長揾到水啦。

「謎網 50 」舊年經過粉塵爆炸一役後, 原來唔少都落入廣西幫手上,好似權威金融(397)就落入廣西社團總會副會長蔡振忠手上, (1046 )寰宇國際金融就由廣西欽州市商會副會長陳威聲揸住27.77% 。

本來 由「師傅」冼國林揸旗做主席嘅(8215) 第一信用財務,現時的第二大股東係廣西社團人馬吳金龍,呢條龍係廣西社團總會常務副會長 ,同總會嘅永遠會長兼細價股玩家鄧清河份屬老友,有錢齊齊揾嗰隻! 冼國林眼巴巴睇住自己個baby被廣西幫「食咗」,已經紥行馬,準備爆大鑊班謎網股玩家點食到大茶飯,話晒冼師傅搞影城嘛,點會冇好戲睇呀?大家擔定櫈仔!

撰文:財經組

請參與壹週刊大獎賞活動!有機會贏取郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!

即按:http://bit.ly/Appinstall18



鍾意就快D Share啦!