張沛樂 趙詠瑤遇撞車遲大到
網紅張沛樂（沙律）及趙詠瑤（Kimi）昨日宣傳旅遊寫真，卻遲到45分鐘，兩人解釋因大雨截不到的士，又遇上撞車，沙律說：「我哋都好唔開心，着住高踭咁跑過嚟。（因為邊個遲？）其實一早約咗髮型師整頭，預早咗時間，冇話邊個等邊個。」問到平日通常誰比較「漏氣」？Kimi說：「我化妝好快，唔使20分鐘，沙律就Set頭慢啲。」講到推出閨蜜遊記有否發現對方壞習慣？Kimi大爆沙律反瞓，半夜睡覺時打了她一掌。說到相片不夠其他寫真性感，Kimi解釋今次是遊記，不想太性感，想吸納女Fans，沙律笑說：「單人封面已經好性感，有後生仔話驚畀媽咪睇到，唔敢買，所以我哋有雙人封面。」
另外，電競女神Rose Ma（馬俊怡）到書展宣傳寫真，Tube Dress不停滑落，她直言拍寫真後瘦了十磅，但仍然有肉地，並大讚寫真對手松岡李那及楊思琦索！講到寫真內的相片性感，她直言拍攝前有飲威士忌壯膽，又有場口在AV專用的泳池取景，引人遐想：「估唔到大家對呢個場地咁熟悉，都係一個賣點。（怕啲人用啲相有奇怪用途？）都預咗，因為係靚相。（遇過狂迷？）未！但有留言講埋啲好露骨嘅字。（有冇網民Send下體相畀你？）未出寫真之前都有，會封鎖佢。」
來源 source: http://orientaldaily.on.cc
|
鍾意就快D Share啦！
|
|
|
