2018年7月19日 星期四

【書展寫真戰】大量床照又濕身 松岡李那甫士取勝 __,松岡,松岡李那,寫真,Linah,

松岡李那本寫真,夠性感。(《I'm Yours》、《my double may》、《閏蜜遊記》書影)
日本女模松岡李那今年以寫真集《I'mYours》參戰書展寫真戰,由《Bubble寫真月刊》的出版人及攝影師RonaldLam操刀拍攝(即係前幾年幫「美 ...


日本女模松岡李那今年以寫真集《I'm Yours》參戰書展寫真戰,由《Bubble寫真月刊》的出版人及攝影師Ronald Lam操刀拍攝(即係前幾年幫「美心妹妹Celine」楊鎧凝影寫真嗰位)。

講到擺甫影寫真,本身係模特兒嘅松岡可謂駕輕就熟,趷籮、嘟嘴、晒長腿呢啲定番甫士一定有啦,當中以松岡喺唔同嘅床或梳化上取景嘅較多,「金絲雀」版松岡亦好盡責,左碌右碌,攝影師亦捕捉到唔同一刻。至於濕身場面都有唔少,喺浴室淋浴、落海嗰啲梗係唔少得。

當中比較突出嘅係松岡化身廚師,着住套吊帶廚師服喺廚房搬蒸籠,相當騎呢!大家試想吓,如果係真蒸籠,原則上係又熱又濕,如果真係好似松岡係夾晒胸去搬,唔燙傷至奇!仲有套白色內衣,唔知係咪質地問題,有張放大咗嘅跨版相中睇落有啲似紙底底……

放個彩蛋俾大家,留意吓松岡套漁網上衣造型,大家可能有「意外驚喜」!

全本寫真最好嘅一點,係冇字!真係齋睇相,亦可以話係好正宗。全書128頁,售價168港元,平均每頁都有一張相睇,以寫真集書紙質地同相嘅數量,中規中矩

另外,而今年只得21歲、持一副32H激突身材推出寫真《my double may》的楊嘉文(Kana),都係今年焦點之一,成本寫真力sell鄰家女孩feel、亦以睇相為主,取景嘅地方最多就係睡房,但亦有去茶記、公園、沙灘、溜冰場同巴士站等影嘅相。至於文字方面,只有12句咁大把,而大部份都係形容自己去公園玩到唔願走嗰啲囉。

雖然地點貼地,但寫真內嘅相就性感到一個點,有胸口直落一穿到底、瞓覺漏半奶外,亦有心口、屁股大特寫,尺度大膽到不得了。而細心睇成本寫真,就會發現Kana出街會有一個共通點,就係唔知佢日日挺住巨胸係咪好攰關係,無論去到茶記嗰張枱、冰場邊嘅壆位,甚至乎係巴士站嘅攔杆,一有機會,Kana就會晾個巨胸上去,睇完之後唔係搵到「暗戀感覺」,而係完全感受到拓住H cup有幾辛酸先真。

至於沙律同Kimi推出嘅《閏蜜遊記》台灣篇,本書實唔實用,就見人見智喇!事關佢兩個每去到一個地方或一間Cafe,只係擺甫士影相同影相,然後寫幾句嘢,重點呢?係性感相同性感相,比起其他寫真又唔夠性感,比起旅遊書,又唔係好介紹到,但就叫遊記喎!如果靠呢本書去台灣玩嘅話,就......自己諗

精選娛聞,喺晒《娛果》

http://fb.com/appledailyent

松岡呢個濕身誘惑,冇得輸。(《I'm Yours》書影) 松岡呢個濕身誘惑,冇得輸。(《I'm Yours》書影)
楊嘉文《my double may》 價錢:$168 攝影師:Ronald Lam

楊嘉文《my double may》 價錢:$168 攝影師:Ronald Lam
楊嘉文挺32H巨胸去到邊晾到邊。(《my double may》書影)

楊嘉文挺32H巨胸去到邊晾到邊。(《my double may》書影)
沙律同Kimi本《閏蜜遊記》,售價$198

沙律同Kimi本《閏蜜遊記》,售價$198
沙律同Kimi話本書係遊記,性感相又唔夠性感,介紹旅遊又到喉唔到肺。(《閏蜜遊記》書影)

沙律同Kimi話本書係遊記,性感相又唔夠性感,介紹旅遊又到喉唔到肺。(《閏蜜遊記》書影)

鍾意就快D Share啦!