天生愛情狂揀男友要有情趣
自2012年與台灣商人顏志行離婚後，至今感情未有着落，提到她視之為「惺惺相惜」的定欣都聲言有人追，煒哥也笑謂：「我哋喺橫店拍《深》個幾月，成日傾男仔，我知佢有人追，佢咁好條件！（另一半要有乜嘢條件？）要夾，因為我太靜、太悶，想搵可以令我活潑番啲嘅人，有啲情趣，但又驚對方煩到我，都想要多啲空間，可能獨立慣咗。」
未婚前的她一直是「愛情控」，為愛情可不顧一切，2008年結婚後即減產陪老公，到後期婚姻觸礁，但因希望有轉圜餘地，故封口不提已離婚5年之秘密，這種「守愛」做法可見一斑。
經歷了失婚，卻在事業有新衝刺，煒哥會否由「愛情控」變為「女強人」，不揀愛情揀事業呢？她回應時不期然流露本性：「對象未出現，未發生嘅事好難講，可能我都會失控o架！不過，我覺得點都要攞番平衡，好似近年咁，日以繼夜拍戲，不過呢排有番啲時間見吓人，食吓飯，有番啲正常生活。」
來源 source: http://orientaldaily.on.cc
|
鍾意就快D Share啦！
|
|
|