喺香港娛樂圈搵食但係唔識廣東話都幾大鑊。
31歲李天縱於2011年參選港姐入行，她於北京長大，廣東話說得不好令她的演出機會少之又少，直至去年一套《不懂撒嬌的女人》的露背演出兼飾演內地撒嬌女漸被觀眾留意，她直言是「輸在起跑線」:「七年嚟每日都搵老師上堂，學咬字、發音，再讀報紙，以前一般對答都難，更何況係讀劇本！」她曾做到心灰意冷，向無綫高層樂易玲呻過想退出，樂小姐就提議改合約，未幾她接拍了無綫劇集《天命》與《兄弟》，今年五月正式成為無綫親生女。
與老公青梅竹馬
事業上見起色，愛情路上亦覓得如意郎君，她在今年五月宣布與內地導演唐寅結婚。二人拍拖才半年，加上事業起步，為何選擇這個時候結婚？她說：「我哋識咗超過二十年，佢係我讀書時嘅師兄，我媽媽對我伴侶好嚴格，從來冇一個男朋友過到關，唯獨呢個男朋友，咁多年嚟媽媽都讚佢，因為由細識到大，兩家人都好熟，所以屋企知道我哋拍拖都好開心，希望我哋快啲結婚！」
拚搏幾年才造人
至於婚後可會搬回北京與老公生活？她表示老公叫她千萬不要放棄TVB的工作，直言多年來都見到她的努力，不想她為了婚姻而放棄喜歡的工作，她說：「大家協調緊，佢依家都想接啲近香港嘅工作，大家可以多啲時間見面。」她亦希望拚搏多幾年才生BB，笑謂幸好雙方家長都沒有催。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
