張沛樂(沙律)同趙詠瑤(Kimi)今年推出寫真遊記《閨蜜遊記 台灣篇》，之前好多唔同造型，如睡衣、內衣、民族服裝，甚至可愛小雲Cosplay Look已經陸續登場，當中一輯浸溫泉相，佢哋視為秘密武器，因為係兩姊妹全裸自拍，呎度最為大膽。
《蘋果》就攞到其中幾張相，見沙律同Kimi一絲不掛，肉帛相見相視對望，白滑玉背，令人有無限遐想。Kimi話﹕「我哋去咗一星期，其中有兩日係浸溫泉，點知其中一間係有伏嘅，話係泥漿浴，點知變咗泥漿面膜，仲要好似擺咗好耐冇人用，所以都幾難忘。」沙律就話﹕「好彩另一間酒店有好多私人風呂，我哋book咗其中一間，兩個女仔自己影相，其實全裸拎住部相機走嚟走去都有啲尷尬，但慣咗都幾開玩同開心。女仔之間冇乜所謂，最重要唔好有走光相，有都刪咗。」
對於被指寫真集內與楊思琦撞埋同一款白色一件頭泳衣，沙律大方表示唔介意，佢話﹕「Kimi幫手喺淘寶訂咗兩件泳衣，有鋼線嗰件我著唔到，但白色嗰件就好fit。知道今年好多人出寫真，見思琦寫真報道，我一眼就認出係同一件，但好難比較，唔少朋友都話要揀都揀思琦啦，我都覺得佢嗰張影得靚啲。」有指沙律同思琦年齡相差14年，沙律話﹕「啲人要比都冇得講，自己唔會比，只係簡單覺得撞泳衣幾搞笑。同埋好難比較，兩張相角度都唔同。」
精選娛聞，喺晒《娛果》 http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|
