早前有份參加ViuTV選美面試的名模Cara G.師妹鍾晴，日前為《東網》拍攝水着靚相大晒身材！擁有33C-23-35完美身段的她，配合甜美笑容與一身古銅膚色，大sell健康性感。
唔笑個樣好寸
鍾晴當了模特兒六年，直至近兩年才由兼職轉為全職，之後更踩入娛樂圈，曾客串電影《陀地驅魔人》，又在無綫綜藝節目《超強選擇1分鐘》中擔任女助選團，憑其甜姐兒外貌，在節目中成功俘虜不少男粉絲，令她人氣急升，最近她又參加了ViuTV選美，她希望藉此機會挑戰自己，不過面對眾多參賽者，鍾晴自認入圍勝算只有一半一半，問到最煞食之處，她說：「係笑容，因為我笑同唔笑個樣差好遠，我唔笑啲人以為我好寸。」
自認男仔頭
身形均勻的鍾晴曾獲泳衣品牌垂青拍廣告，不過她就謙稱並非對自己身材有信心，只是工作需要而已，她謂自己並沒有得天獨厚，健美身材也是靠後天努力，高峰期的體重曾達120多磅，近年積極keep fit，成功減去10磅以上：「依家好講求健康，行出街個個都好弗，自己唔努力唔得，係一個趨勢。好在我好鍾意做運動，學咗兩年瑜伽，可以令線條更修長，我仲有做阻力訓練同打泰拳，消耗量好大，好快見效。當然仲要從飲食着手，夜晚唔好食太飽，同埋要食得健康。」鍾晴自認男仔頭，喜歡戶外運動，夏天玩滑水，冬天滑雪，入水能游出水能跳，絕對是運動健將，亦不介意曬得一身古銅色。
唔覺得自己靚
另外，鍾晴最近與上位男神袁偉豪合作為商場拍了一個微電影的宣傳片，鍾晴表示對娛樂圈興趣甚濃，現正跟彭秀慧老師學戲，問到會否接受性感演出？她笑言反而最想飾演醜女角色：「唔想得個樣係花瓶，愈醜先可以表露到自己真正嘅性格同演技，而且我從來都唔覺得自己靚。」她又指打女角色也很適合自己：「因為我筋骨柔軟，我學泰拳，教練覺得我有潛質，我好大力，我唔怕打花塊面。」有樣有身材的鍾晴表示單身，談到擇偶條件，她直言喜歡擁有大眼睛及健康膚色的男生，但最重要還是感覺行先。
場地提供﹕香港置地文華東方酒店東方水療中心
泳衣提供﹕Roxy
|
鍾意就快D Share啦！
|
|
|
