近年曾志偉除了現身無綫，基本上絕迹其他香港電視台，不過昨日凌晨曾志偉突然以嘉賓身份，亮相ViuTV於屯門商場舉行的直播節目《Good Night Show全民睇波派對》，賽前問到志偉支持哪一隊？志偉就講他在《獎門人》講得最多的一句：「打和」
| | | |
林曉峰勁緊張
其後志偉再由屯門直踩入ViuTV位於柴灣的直播室。志偉節目上一直談笑風生，問到志偉與ViuTV是否會有進一步合作？志偉大賣關子：「總有機會嘅！」
當晚林曉峰是節目主持，他以往在無綫《獎門人》系列跟志偉合作無間，更一直以父子相稱。林曉峰自言節目開始前才知道志偉會出現，林曉峰說：「我諗鏡頭前都會見到我塊面立立令，我緊張到滲汗！見到阿爸，我竟然成part稿都唔記得咗，所以不時要搵位坐低背稿。」志偉亦表示：「最想唔到會喺呢度見面，仲一齊做世界盃，好OK呀！」
港姐成導火線
今次志偉亮相無綫競爭對手ViuTV，難免令人猜測是跟他與無綫高層余詠珊的不和傳聞有關。有傳無綫劇集《女人俱樂部》選角時，因為余詠珊意見多多，欲安插老公何哲圖旗下愛將加入劇組，令擔任《女》劇監製的曾志偉甚為不滿。此外，2013年港姐選舉在余詠珊統領下改制，做live變錄影，志偉錄影時亦按捺不住爆粗：「港姐係live，點解要錄影呀？」但因為沒有閂咪，結果人人都聽到，後來志偉亦未有再為港姐擔任司儀。
撰文：沈麗珠
|
鍾意就快D Share啦！
|
|
|
