盧凱彤(Ellen)前日於跑馬地寓所墮樓身亡，喚起各界多關注情緒病患者。Ellen在17歲時便發現患有情緒病，之後誘發出躁鬱症，情緒大起大落。一直扶持她的，除了家人朋友、太太余靜萍(小余)外，還有家中四隻愛貓。
今年5月，Ellen在ViuTV節目《晚吹-喵喵喵》錄影時，自爆曾想過自殘身體，心裡總覺得生無可戀，是靠著15歲愛貓「蘇菲」(Sofay)讓她擺脫負面想法，她說：「喺我情緒好失落或者唔開心嘅時候，佢（蘇菲）最懂我心意同埋最關心我，會走過嚟陪我，瞓喺我大髀上面會安慰番我。」
蘇菲可說是Ellen的救命恩人，Ellen亦有為蘇菲在IG開設專頁，經常上載與蘇菲的生活點滴，如玩騎背、鬥大眼、錫錫等，Ellen會以蘇菲為第一身說話，有時會反過來取笑Ellen，可說是Ellen的自白。蘇菲說﹕「條女窮到窿(燶)，音樂搵唔倒飯食要畫埋畫，傻女，你睇吓梵高幾瘦至得㗎？（吹漲）」、「人類好可怕」、「捨得返唻啦咩？！捨得返唻啦咩？！捨得返唻啦咩？！捨得返唻啦咩？！ #八婆妹仔當晒自己係主人 #等我挖你兩隻眼珠出唻 #咁多人死唔見你死？#快d攞d手信出唻」。除此之外，她亦不時借蘇菲向愛妻余靜萍示愛，在相及片中偶爾會發現小余身影。
Ellen太太小余是台灣攝影師，Ellen曾想過移去台灣定居，但亦因為蘇菲打消念頭。Ellen曾經講過﹕「想啲貓同我一齊生活，似有屋企人嘅感覺，唔會孤伶伶。」但因為蘇菲年紀太大，2次針都未能產生狂犬病抗體，加上入境後要隔離21日作觀察，她擔心蘇菲的身體狀況，故決定放棄搬遷大計。
如今Ellen走了，蘇菲孤獨地活着，不少朋友和網民都擔心蘇菲發現Ellen離去後，身體狀況會出現問題，均在蘇菲的IG留言鼓勵﹕「保重她是愛你的」、「要好好活下去」、「蘇菲你都要加油」。
精選娛聞，喺晒《娛果》
http://fb.com/appledailyent
| Ellen與愛貓蘇菲感情特別好，每當失意時，蘇菲都會陪伴左右。(ig圖片) | | |
| | | |
|
鍾意就快D Share啦！
|
|
|
