網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月23日 星期四

【爆相爆片】33歲女兒同衛蘭更撞樣 盧宛茵:有學生妹認錯搵佢簽名 __,爆相爆片,衛蘭,盧宛茵,

盧宛茵孖女兒現身金鐘(讀者提供圖片)
65歲盧宛茵(MadamLo)喺大台劇《BB來了》扮演野蠻奶奶,演技大爆發;現實中嘅Madam盧婚姻失敗,同前夫新聞主播何鉅華離婚後,獨力湊大兩子一女 ...


65歲盧宛茵(Madam Lo)喺大台劇《BB來了》扮演野蠻奶奶,演技大爆發;現實中嘅Madam盧婚姻失敗,同前夫新聞主播何鉅華離婚後,獨力湊大兩子一女,兩子早已成家立室,唯一嘅女兒今年33歲,日前兩母女現身金鐘,被讀者馮先生透過「爆相爆片」分享,Madam盧經常被人話同衛蘭撞樣,原來女兒更曾經被認錯係衛蘭!



馮先生接受《蘋果》電話訪問表示,日前晚上7點幾,喺金鐘見到Madam盧兩母女:「佢哋邊行邊傾,好似講緊手機app,盧宛茵問個女app點用,兩母女驟眼睇幾似樣,個女身型肥少少似阿媽。」問到女兒似唔似衛蘭?馮先生話:「都似㗎。」之後兩母女分道揚鑣,Madam盧就獨個兒搭港鐵往柴灣方向,坐低後不停玩手機,問到係咪有人讓座畀Madam盧?馮先生表示:「車廂有吉位,冇乜人認到佢,見佢真人白頭髮都幾多。」



之前Madam盧曾公開兩個兒子全家福,但女兒就好少曝光,生得肥肥白白嘅Madam盧,同衛蘭嘅五官幾乎倒模;而從馮先生提供短片所見,真.女兒都係面圓圓眼大大,着低胸衫身材仲好好㖭,而身型就同媽咪一樣咁圓潤,Madam盧傾到手舞足蹈同女兒感情好好。



對於女兒被指似衛蘭,Madam盧喺電話表示:「佢都試過畀人認錯係衛蘭,幾年前有學生妹以為佢係衛蘭,搵佢簽名㖭。」Madam盧話女兒未結婚,兩母女一齊住,嗰晚約埋去街食飯。至於女兒教用手機app,Madam盧話:「我玩吓遊戲,有時有啲嘢我唔識,佢教我。」



精選娛聞,喺晒《娛果》

http://fb.com/appledailyent



盧宛茵孖女兒現身金鐘(讀者提供圖片) 盧宛茵搭港鐵不停玩手機(讀者提供圖片) 盧宛茵搭港鐵不停玩手機(讀者提供圖片)
盧宛茵真人很多白頭髮(讀者提供圖片)

盧宛茵真人很多白頭髮(讀者提供圖片)
盧宛茵女兒首曝光(讀者提供影片截圖)

盧宛茵女兒首曝光(讀者提供影片截圖)
盧宛茵同女兒好似樣(讀者提供影片截圖)

盧宛茵同女兒好似樣(讀者提供影片截圖)
盧宛茵女兒身材好好(讀者提供影片截圖)

盧宛茵女兒身材好好(讀者提供影片截圖)
盧宛茵爆女兒曾被認錯係衛蘭(盧宛茵提供圖片)

盧宛茵爆女兒曾被認錯係衛蘭(盧宛茵提供圖片)
衛蘭同盧宛茵母女好似樣(網上圖片)

衛蘭同盧宛茵母女好似樣(網上圖片)

鍾意就快D Share啦!