掃呢頁CODE去手機

2018年8月22日 星期三

《延禧攻略》:《延》拍續集!「皇后」秦嵐晒線慶祝 __,延禧攻略,秦嵐,

會唔會用番原班底演員呢?熱播劇集《延禧攻略》大受歡迎,引起一股追劇潮。唔少觀眾都戥劇中角色不值,好似「瓔珞」(吳謹言飾演)與「傅恒」(許凱飾演)原先相 ...


會唔會用番原班底演員呢?


熱播劇集《延禧攻略》大受歡迎,引起一股追劇潮。唔少觀眾都戥劇中角色不值,好似「瓔珞」(吳謹言飾演)與「傅恒」(許凱飾演)原先相愛但之後被迫拆散、「富察皇后」(秦嵐飾演)失去孩兒繼而慘死等,仲話想改寫劇情添!劇集惹嚟觀眾熱議,監製于正亦相當興奮,佢喺微博晒圖報喜指劇集嘅網播放量已破100億,仲透露會開拍續集:「透露一下延禧二的故事:前緣再續,非遺再傳,唯獨愛與美食不可辜負~」網友見狀都好興奮,紛紛追問:「傅瓔會有別的結局嗎?」、皇后能活過來嗎?」仲要求用番原班底演員!

對於新劇反應熱烈,「富察皇后」秦嵐亦相當興奮,不時喺微博晒相同粉絲互動。今早,佢就晒出打桌球嘅相,仲留言:「他們告訴本宮要得體,我只想放假回宮。」相中佢紮住條辮勁清爽,仲着上黑色低胸背心伏喺桌球枱上,條事業線即刻出晒嚟勁搶Fo!

一班網友見到後都紛紛笑言:「快把衣服穿好!不得體不得體!」、「太露了娘娘,麻煩把衣服穿上!」、「皇后娘娘的演技真是一級棒。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!