掃呢頁CODE去手機

2018年8月22日 星期三

《延禧攻略》:戲裏鬥到戲外!《延禧攻略》娘娘鬥性感 __,延禧攻略,

大家like唔like!《延禧攻略》熱播,個個都追睇!劇中各位「娘娘」喺後宮鬥過你死我活,為咗爭聖聖寵,咩手段都做得出!但其實乾隆班老婆,喺現實中,個 ...


大家like唔like!


《延禧攻略》熱播,個個都追睇!劇中各位「娘娘」喺後宮鬥過你死我活,為咗爭聖聖寵,咩手段都做得出!但其實乾隆班老婆,喺現實中,個個樣靚身材正,索到不得了!今次等東網為大家送上佢哋嘅性感靚相

高貴妃-譚卓

譚卓飾演嘅高貴妃,神憎鬼厭,劇迷個個睇到想打佢!但其實高貴妃都係一個可悲人物,佢做咁多懷事,都只係出於對乾隆係愛,咁多位妃子中,佢可以話係最愛皇上嘅一個,最後佢死前為乾隆跳嘅最後一隻舞,睇到人想喊,呢個角色令人又恨又愛!譚卓演技出色,佢曾經憑電影《春風沉醉的夜晚》提名第62屆康城影展最佳女主角,當時佢只得25歲!譚卓有份演出內地熱爆電影《我不是藥神》,戲中有一場跳鋼管舞嘅戲份,佢為咗完美演出,仲一日練習三粒鐘,練到雙手甩皮,美腿都瘀晒!

純妃-王媛可

王媛可今年34歲,佢身形高挑,身高有167cm!佢比較出名嘅,就係喺2008年拍攝劇集《倚天屠龍記》,當中佢飾演殷素素。個人生活方面,2012年內地演員王雨向佢求婚,兩人婚育有一對雙胞胎仔仔,生活美滿。

順妃-張嘉倪

張嘉倪今年31歲,《延》中佢飾演順妃,係乾隆最索嘅妃子,鍚到佢燶,仲賜佢名叫沉璧,佢喺劇中佢由純純兔黑化成為奸妃!張嘉倪得天獨厚,擁有42吋長腿,佢仲有一樣係女人都會羨慕嘅嘢,就係食極唔肥!即使佢生咗兩個小朋友,都係fit到漏呀!

嘉嬪、小嘉嬪-潘時七

潘時七喺劇中,一人飾演兩角,演嘉嬪兩姊妹,一個為個仔咩都做得出,一個就為咗冧皇帝,嗲到你企唔穩!潘時七今年30歲,佢原名叫鄧君逸,佢演出劇集《隋唐英雄3》而為人熟悉!一直宣傳佢有整過容,但170cm絕對無花假!

愉妃-練練

練練喺劇中飾演愉妃,喺劇中佢最冇勢力,淨係生咗五阿哥出嚟,五阿哥永琪係乾隆最錫嘅仔仔,但都係冇用啦,愉妃都係做唔到母憑子貴!練練本名叫練束梅,取名好特別,爸爸姓練,媽媽姓束,嫲嫲姓梅,個名係嚟自呢三個姓。

舒妃-李春嫒

李春嫒飾演嘅舒妃,笑起上嚟冧死人,劇中亦正亦邪。2017年,佢喺電影《乘風破浪》中有性感演出。


來源 source: http://hk.on.cc
鍾意就快D Share啦!