紐約著名現代藝術博物館（Museum of Modern Arts）早前為已故武打明星兼導演劉家良舉辦電影回顧展，以「The Grandmaster: Lau Kar-leung」（「一代宗師：劉家良」）為題，展出共10部邵氏出品電影，如《陸阿采與黃飛鴻》、《瘋猴》、《少林三十六房》等多部賣座電影。
劉師傅的長女劉萬儀有到當地出席首映並致辭，還觀看父親執導的電影《十八般武藝》。她接受本刊訪問時表示，是次回顧展是自己第一次在電影銀幕前觀看爸爸的電影，跟以前在家中與妹妹在電視上看有另一番的感受，「以前細個睇佢啲電影會感受到，咦！阿爸喺電影喎，阿爸喺電視上面，但係今次睇返佢啲電影，我係真係睇到係劉家良導演。」
在大銀幕中欣賞爸爸拍的經典電影，萬儀感受深刻，大讚爸爸「犀利」，「我覺得佢好厲害，因爲佢每套功夫都係全套拍出嚟，即係唔會有一段一段咁剪接上去。」萬儀表示自己習武的恆心遠遠不及爸爸，因為他拍戲時總能一氣呵成完成整套功夫動作，唯獨自己練武時則時常埋怨辛苦。
媽媽翁靜晶為律師，萬儀亦有遵從媽媽意願修讀法律並成為律師，不過萬儀透露在劉師傅過身後，希望自己能夠將爸爸的功夫學習起來，並立志要承傳下一代，「我又讀法律我又做咗律師啦，但係我不嬲都鍾意做演員，同埋依家爸爸唔喺度（離世），有另外一個責任，就係我想繼續傳承佢啲功夫俾我自己啲仔女同埋其他人去享受。」所以她最希望可以將兩個最愛的興趣，打功夫和演戲同時實踐，走爸爸的路成為武打明星，轉行做打女。
撰文：麥朗廉
攝影：于港民
來源 source: http://nextplus.nextmedia.com
|
鍾意就快D Share啦！
|
|
|