掃呢頁CODE去手機

2018年8月30日 星期四

【冇咁cheap】《延禧》于正爆嫻妃片酬最高 佘詩曼:謎底終於解開 __,《延禧》,佘詩曼,

 (攝影:仇志德)
薑係老嘅辣。之前有報道指,《延禧攻略》開拍時,大部份資金拎咗去道具、服裝上,所以最後所有演員嘅片酬加埋先得2,400萬人民幣(下同)。製作人于正早前受 ...


薑係老嘅辣。



之前有報道指,《延禧攻略》開拍時,大部份資金拎咗去道具、服裝上,所以最後所有演員嘅片酬加埋先得2,400萬人民幣(下同)。



製作人于正早前受訪時話,套劇本身嘅預算高達3億人民幣,但演員嘅片酬加埋,只係佔咗總預算嘅8%,亦有傳《延禧》裡面嘅佘詩曼,片酬得200萬,反而「魏瓔珞」吳謹言,就收500萬片酬。



消息越傳越多,又有晒數據講到似層層,故于正最近接受大陸傳媒訪問時,亦闢謠:「佘詩曼不是傳言的200萬,吳謹言更不是500萬,佘詩曼在組裡拍了74天,片酬也是所有演員中最高的。」



噚日阿佘喺香港出活動時,已回應過200萬片酬傳聞,佢話:「呢件事幾荒謬都好,只要有人相信都會當成真。我自己唔使解釋咁多。自己知就得。」仲話︰「我覺得自己冇蝕,呢套劇我拍得好開心。」今日阿佘再應邀到機場世貿中心出席MOISELLE時裝展,對於于正嘅澄清,佢好開心咁話:「謎底終於解開喇。不過都唔緊要,最緊要拍咗一齣好戲。」咁之後會否加片酬?阿佘表示都係交番俾經理人決定。



阿佘話拍咗七十幾日,依家有時間都會同戲中演員聚頭,如早前去北京就一齊見面,仲一齊睇《延禧》結局慶功。



《延禧》演員不時被翻舊帳,如飾演海蘭察嘅王冠逸被重提2016年曾在新加坡拍過施南生監製電影《無限春光27》,對手係西野翔,因片中大量裸露鏡頭,被指拍過三級片,王冠逸就澄清,那部片很「牛」,看了就知道,這不是三級片,而是藝術片。問番阿佘有冇留意海蘭察嘅Body?佢笑謂:「我哋嘅戲服封到上頸,埋沒咗佢嘅才華添。」可有興趣欣賞下?阿佘就話:「明玉(劇中與海蘭察是一對)可能更加有興趣。」



(攝影:仇志德) 講起《延禧攻略》片酬,阿佘睇得好開:「我覺得自己冇蝕,呢套劇我拍得好開心。」 講起《延禧攻略》片酬,阿佘睇得好開:「我覺得自己冇蝕,呢套劇我拍得好開心。」



阿佘演完嫻妃,佢話有時去北京都會搵演員朋友見面。 《延禧攻略》劇照

阿佘演完嫻妃,佢話有時去北京都會搵演員朋友見面。 《延禧攻略》劇照

鍾意就快D Share啦!