【曾是180磅肥師奶】50歲李婉華身體出事出咗街嘅《再創世紀》，令網民嗌索嘅唔係楊怡，亦唔係周勵淇，而係冇拍劇15年，今次只係客串幾集嘅李婉華。
50歲美魔女，生咗一個女同一對孖仔，依然保持一副戰鬥型身材。
美魔需苦幹，無速成，更加唔係不勞而獲，李婉華曾經有過咁樣嘅歲月。「我試過最高峰，大約182磅。」名副其實肥師奶。
「陀住孖仔時一百八十幾磅，係好肥！你諗吓我本身幾瘦，以前只有一百零幾磅。生仔去到一百八十幾有幾誇張，生完之後得番一百四十幾磅，但你諗吓個肚皮幾咁鬆，籮咁大個肚，肚皮好鬆，我當然忍受唔到。但因為忙於餵人奶，跟住又要開始照顧佢哋，日以繼夜，你知湊BB夜晚無得瞓，日又唔夠瞓，夜又唔夠瞓。Keep都冇時間，身體開始變差，腰骨又痛，總之就周身痛，有段時間覺得自己點解上樓梯都無力，同埋好容易腳軟，連著高踭鞋隻腳都痛。」
昔日是索花旦，當了三個孩子母親後的身體如外型改變，照著鏡子實在接受不來。「覺得肥腫難分同埋身體唔好，面色唔好。我諗下咁樣唔得，小朋友仲咁細，我個身體好似已經響起警號。」
家庭放首位的李婉華，要照顧好頭家，就決意搞好自己的身體。
「真係出現咗問題，就開始跑步，但都真係的起心肝，過程中經常有想放棄嘅念頭，每日都泛起唔同藉口唔去堅持跑步，好似魔鬼與天使兩把聲音在角力，但為要守護頭家，我唔可以放棄健康，咬緊牙關，起初不論五分鐘、十分鐘都好，慢慢嘗試去做，跑下跑下跑到一個鐘頭，每日如是。慢慢我身體痛症消欣，身材線條走番出嚟。」經過一年努力運動，有番健康之餘，仲減到可以零P圖，三點式見人。
她定居加拿大多年，有份電台工作，同好多港媽一樣，雙職母親返到屋企，親自湊仔煮飯。
「我由朝到晚都著住圍裙，即係由朝做早餐開始，到我瞓覺沖涼之前先至除低。呢個就係我嘅工作！」
相隔15年後才復出拍劇，其間一直有人敲門，但都遭她拒絕。
「其實我都好大戲癮，但奈何點樣可以做到？可能我有啲誇張，係個緊張媽咪，我係嗰啲如果夜晚出街都會有啲內疚嘅人，會諗如果我走咗出去，佢哋(孩子)今晚實唔哋瞓覺呢？實唔聽話啦，跟住食咩呢？一定亂食嘢啦，我係會咁樣。而家我有三個小朋友，媽咪角色就係我嘅工作，戲我唔拍人哋仲可以搵第二個，但媽咪冇人可取替。既然自己做咗一個咁嘅決定，生咗小朋友組織咗家庭，無論如何都要保護佢，同埋盡我責任去做好去。」
當日結婚，便決定為家庭放低自己幕前事業，難道一點留戀也沒有？
我絕對冇留戀呢啲嘢！點解呢？因為係另一個階段，我會咁樣睇，我唔會留戀，因為我好清楚魚與熊掌，你可以點樣？如果要嫁一個愛你嘅人，或者一個家庭，佢點會鍾意你日日拋頭露面咁出去拍嘢。既然
我嘅另一半比較傳統，我就要顧及佢嘅感受為先。」今次肯客串《再創世紀》，全因喺加拿大取景，佔嘅集數唔多，當然最重要係攞咗老公Permit
立即下載Apps，隨時隨地睇盡時政專題、深度偵查、娛樂熱話！按此連結：http://bit.ly/next28app 咬緊牙關減走70磅變索媽(足本版)網址:http://bit.ly/2MN5sml
來源 source: http://nextplus.nextmedia.com
|
鍾意就快D Share啦！
|
|
|