個樣keep到十年如一日嘅李婉華，客串大台劇《再創世紀》令人眼前一亮，曾經係大台花旦嘅佢，戀上嘅男人有影帝級吳鎮宇，同依家身為政協嘅亞視小生何家勁。當年佢為咗吳鎮宇，有情有義嘅李婉華，付出好多。
美魔女李婉華演藝學院出身，同屆同學有劉玉翠同張錦程，好快俾大台發拙，拍過唔少劇嘅佢，代表作有89年嘅處境劇《公私三文治》同《卡拉屋企》，佢同吳鎮宇就係拍《公私三文治》撻著同居。
94年為幫男友圓導演夢，有傳李婉華出資助吳鎮宇做出品人兼自導自演，開拍電影《亂世超人》，李婉華出錢又出力，做埋女主角，可惜一擔心血，最後票房仆直，蝕錢收場。兩個經歷咗八年風雨嘅感情，最後更說散就散。
之前李婉華喺訪問提起呢個前度，佢咁樣講:「鎮宇心地好對朋友好，演技專業，我們識於微時，開頭我入行就好似一張白紙，他教識我好多事情，不過年輕時我性格剛烈，經常和他頂撞鬧交，相處上有好多磨擦，所以都是分手收場。」依家雙方各有各家庭，李婉華坦言同對方已失去聯絡多年。
同吳鎮宇分手後，佢情投亞視小生，飾演「展昭」紅爆內地嘅何家勁，呢段感情維持三年，可惜步伐唔一致，李婉華恨有家庭，但何家勁想喺內地繼續闖一番事業，所以都係分手收場。直至02年佢遇上一個願意俾承諾佢嘅男人，就係加拿大藉，任職金融嘅李守正。03年兩人喺加拿大結婚，婚後李婉華淡出幕前，定居溫哥華，依家大女已經15歲，仲有一對9歲嘅孖仔。女人嘅光采，相信都係源於有個美滿嘅婚姻。
立即下載Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|