中伏都照用，真係勇呀！
現時各大社交網都充斥住唔同類型廣告，真係非常「誘惑」！就連歌手兼人母鄭希怡（Yumiko）都敵不過廣告嘅威力，不過就慘豬中伏！佢喺社交網分享「慘痛經歷」，佢話見到個廣告指搽完某品牌嘅眼睫液後，眼睫毛會瞬間變長，更聲稱由比利時運嚟，所以佢決定一試：「一向鍾意試唔同化妝品的我，見到廣告就買咗，$200產品，$80運費，因為要在比利時運過黎（嚟），都合理呀！等咗一個月，以為遇到騙案時，我收到」
怎料「驚喜連連」，佢收貨後發現竟然「貨不對辦」仲係Cheap貨：「打開包裝，個盒上面有中文，原產地廣州，打開偉大嘅$19.9！」未驚過嘅佢仲分享用後感添，佢再發文：「似乎好多人對用後感都好關心，我試咗喇，所有你期待的效果，全部都冇，仲有少少『拿拿哋』（乸乸哋）。」唔少網民都笑言話佢「好勇」、「下次唔好搵命博」，仲叫她咪咁易相信網上廣告喇！
來源 source: http://hk.on.cc
|
鍾意就快D Share啦！
|
|
|