睇下圈中呢幾個絕世好老婆，就係靠一個忍字，挨得過婚姻危機，修成正果！所以話呢！真愛，係要包含忍耐架！
金馬影后李心潔10 年嫁比彭順之後，對佢同前妻生嘅囡囡視如己出，一家三口表面上幸福到瀉！點知結婚唔夠5年，彭順俾人影到同Liddy 喺圓方拍拖睇戲，當街又攬又咀。事後彭順飛返大馬補獲，仲同Liddy 即刻斬纜，最終得到老婆原諒。經歷過婚姻危機，兩公婆重修舊之後，積極造人，前年仲成功生咗對孖仔。
前港姐冠軍譚小環，同老公蔡強榮結婚十一年，表面風平浪靜。15 年蔡強榮敵唔過七年之癢，拖住索女喺圓方偷食，仲公然打情罵俏扯衫尾，斷到正一正！之後又被爆夜場咀女，證據確鑿！連環出事後，譚小環一招隻眼開，隻眼閉，原諒老公。
上年老公確診肺癌一期，譚小環仍然不離不棄，陪住老公抗癌，有情有義！講到忍得老婆，又點少得周慧敏？當年倪震孔雀開屏，喺夜場偷啜城大女生張茆。事後倪震發聲明認錯，表示絕對唔會復合。但短短13日之後，兩人突然宣布婚訊，夠晒峰迴路轉。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|