郭富城同周潤發繼《寒戰2》之後，再合作莊文强導演嘅《無雙》。今次阿城由警務署長搖身變成一名內斂嘅畫師，跟發哥有唔少對手戲。早前阿城喺紅磡接受訪問，已為人父嘅阿城表現豁達，更少有談及家事。
問到郭富城到底係做男主角開心，定係做爸爸開心？原本以為佢點到即止，沒想到有感而發話：「老實講我覺得係兩個唔同嘅身份，喺我呢個年紀，我覺得能夠做到爸爸，係上天嘅恩賜。我好感恩，因為我記得50歲嘅時候，跟自己講喺某個年齡到嘅時間裡面，係上天安排咗俾你，仲有自己自身方面，你都拼咗咁多年，我覺得都係時候要穩定，喺自己嘅生活上要改變。」
「我覺得生活上有改變，先至可以令我喺創作空間上，能走得更遠。你有家庭，知道點樣去照顧你嘅家人，點樣愛護你嘅子女、愛護你身邊嘅人。呢種愛，係你以前未結婚，未有小朋友嘅時候，係唔會出現嘅。因為呢啲係真實、開心。」
郭富城話，以前未有家庭負擔時，就算有開心事，都係一笑就過；0依家嘅笑，係有「回甘」而持久：「以前一笑就過，大家見到朋友，笑完就冇，開心就係咁樣。但當你有咗家庭嘅快樂，你嘅快樂係講不出嘅一種溫情，係冇第二啲嘢能夠代替嘅，所以你工作嘅時候，就係因為你有家庭，所以你面對工作嘅時候，要更加用心，有更大嘅動力。為咗你嘅家人，希望做到一個，都是現在嘅爸爸，我覺得依家每一個作品，到小朋友大嘅時候，都能夠分享，希望小朋友能夠知道，爸爸係好用心、很努力。」
講到最近郭富城拍攝《麥路人》時，俾追問老婆方媛係咪有第二胎時，語帶不善（新聞連結： https://bit.ly/2xxhNFI )，郭富城解釋因為太入戲。他稱作為戲中三餐不繼嘅低下層人物，對身邊嘅事，反應會好大：「我好少講家庭事，不過同大家分享下，有小朋友係好開心嘅事。但係好多時候小朋友係天俾自己嘅恩賜，都想保護屋企人。無論將來有幾多個小朋友，都係好開心，老實講我係鍾意一個多人嘅家庭，開心嘅家庭，不過暫時唔可以講太多。」
採訪︰何永寧
攝錄︰沈健程
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|