（法新社圖片）
C朗於職業生涯第十一次領紅，喺歐聯賽事只係第一次，呢張紅牌勁有爭議，難怪C朗離場時喊爆，而佢更極有機會，錯過倒戈曼聯嘅兩場賽事。C朗當時只係輕推華倫守衞謝臣梅里路頭部，但球證就直接趕佢離場，於網絡世界惹起極多評論，唔少網友都認為C朗罪不致出場，仲話如果咁樣就紅牌，「足球世界簡直係黐晒線」。C朗前曼聯隊友里奧費迪南及費查亦為佢護航，認為祖雲達斯一定要為紅牌上訴。
唔少外國網友認為，C朗的確係犯規，但唔算蓄意侵犯對手，因為佢只係「掂掂對手頭部」，動作非常克制。另外，亦有聲音指如果呢個唔係C朗，旁證根本唔會向球證舉報，「呢個旁證只係想出風頭！」
里奧費迪南表示：「呢張紅牌唔應該出現，祖記一定要上訴。C朗只係想踢波，大家睇佢嘅反應就知。」費查就話：「C朗係唔滿意對手輕易跌低，佢只係拍拍對手個頭，希望佢快啲起身比賽，但謝臣梅里路就表現得好誇張，希望令球證罰C朗出場。作為C朗隊友，我知佢有幾咁緊張比賽。佢可能忘記咗呢場只係分組賽，但C朗只係想為祖記踢好波，希望作出最大貢獻，所以先有比較激動嘅反應。」
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|