經歷山竹吹襲過後，鯉魚門滿目瘡痍。(馮淑環攝)
「山竹」威力驚人，重災區鯉魚門飽受颱風摧殘，海鮮店、餐廳及住宅無一幸免，屋內外布滿海水倒灌痕迹。馬環村村口堆滿石頭、玻璃、貝殼，折斷的樹枝、垃圾散落一地。
咖啡茶座老闆李小姐打風期間一直留守店舖，直至昨日(16日)中午海水浸上大腿方肯離開，「由腳眼浸到小腿再浸到大髀，因為驚漏電，唔走唔得」。她表示今次災情較想像中嚴重，「失守！真係好慘！停舖3日做準備原來都無用，6部雪櫃升高晒都照浸，沙包由上年60個加到100個都無用，前後都入水，汽水、食材浸晒鹹水全部無晒」。
她直言去年「天鴿」損失10萬港元，今年尚未點算，但預料不會較去年少，未知何時可以重新開舖，「天鴿嘅債都未清，政府可唔可以有一啲基金善後，我淨係想開番舖」。
海鮮舖老闆黃先生指保守估計損失10多萬港元，「浸咗海鮮、摩打、雪櫃6至7部，喺香港50幾年未見過咁嚴重，一片汪洋」。
居於海傍道附近的薛女士一家三口，10號風球時到親友家暫避，今日(17日)回家後發現滿目瘡痍，家中雪櫃亦報銷，指一次比一次嚴重，上年浸半個鐘就開始退水，估計今年至少浸4小時，大門及房門雖然已加防水板，但海水照樣倒灌入屋，睡房、廚房布滿污泥。
來源 source: http://hk.on.cc
|
鍾意就快D Share啦！
|
|
|