平日姚嘉妮和老公林祖輝冇乜嘢傾，去街比較少互動，但之前林祖輝失業，她不離不棄，力撐老公創業賣童裝。
兩夫婦奮鬥5年，依家公司盤數非常靚，林祖輝話希望兩年後可以正式上市，已開始積極籌備。公司上了軌道，是時候為婚姻升溫喇！
二人於06年結婚，夾埋之前七年愛情長跑，已經共度19年，難免老夫老妻。他們最重視一對仔女，星期六日一定是家庭日。但難得共聚，姚嘉妮和老公都冇乜交流，各有各行。她掛住同仔女講嘢，林祖輝就寧願與朋友傾偈。
依家段婚姻就溫度低啲，但幾年前林祖輝由大陸回流返港，未搵到出路，姚嘉妮支持他搞童裝生意，仲幫手入貨。
林祖輝和朋友夾份取得Nike、Jordan、Levi's、Converse童裝代理權，現有六間分店，仲要搞網購同批發，真係好忙。
平日主力由姚嘉妮湊仔女，但為咗夜晚可以準時返屋企陪老婆仔女，林祖輝寧願朝早5點就起身工作。
其實他真是好錫老婆，雖然公司跟朋友各佔一半股份，但在他自己一半股份入面，姚嘉妮再佔一半，即是擁有四分一間公司，所以將來成功上市，姚嘉妮家身會水漲船高。
姚嘉妮亦承認跟老公感覺老夫老妻，更表示大家所有心機都放在仔女身上。其實目前公司上了軌道，是時間處理夫婦關係喇！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|