●最新交通資訊 http://bit.ly/2QATvmL
山竹吹襲後，多處樹木倒塌導致架空電纜受損，港鐵來往大埔墟站至上水站列車服務暫停，加上九巴接近全面停駛，今早新界區交通陷入前所未見的大混亂，港鐵東鐵綫車站逼爆心焦如焚的上班人潮，民怨沸騰，其中大圍站更出現萬人空巷的場面。
港鐵東鐵綫由於受塌樹等影響，大埔墟站來往上水站列車服務暫停，數以百計乘客排隊乘車往市區上班，秩序初時尚見良好。今早約7時，在上水火車站，已約有一千人排隊等候港接駁巴士出市區，惟港鐵接駁巴士不足，未有足夠車輛及時疏導乘客，接駁巴士站無車，卻有大量乘客在等候。隨後，現場有港鐵職員突然宣佈，暫停接駁巴士服務，引起排隊乘客不滿。
居於大埔墟的乘客陳小姐，今早由家中步行至大埔墟站，打算前往上水上班，但到站後才發現沒有巴士及列車服務，覺得十分無奈。另一名乘客陳先生表示，到大埔墟站拍卡入閘，並走至月台後及詢問警員後，始發現沒有列車服務，票務處亦沒有職員協助，大鬧港鐵安排混亂及離譜。
至早上8時許，上班人潮越來越多，東鐵多個車站及月台均出現上班人潮，令趕著上班的市民，怨氣推上頂點。在上水站等候的女乘客鮑小姐，強烈批評政府在風災後處理不當，「我都唔知林鄭點搞！「山竹」大風大雨，我喺屋企出嚟的樹冧晒，港鐵根本未搞掂，人哋好辛苦，你叫人哋(意指港鐵)點樣接駁到啲人呢。你睇吓條隊，我諗排成朝都未排到，希望啲僱主諒解吓。」
鮑小姐越說越激動：「林鄭真係唔掂呀！啲路冧樹，我想揸車出去都揸唔到，根本個政府唔得，停課為咗學生安全著想，點解你唔為吓我哋打工仔著想，我唔係(想)搵命搏。」
在大埔墟站，當通宵班收工準備返家的女乘客譚小姐稱：「我要去上水，要等4個鐘，我等了個幾鐘!巴士都話冇車，好混亂，冇接駁巴士送人走，之前佢有(巴士)，搞到大家好辛苦，一陣分分鐘有人暈倒，港鐵安排好失敗，你應該落波之前安排好，先至好落波吓嘛，而家大家都好亂，人地返工個的遲到點計。好攰，好想返屋企瞓覺。」
你敢爆，我敢獎！ 立即WhatsApp《蘋果》24小時爆相爆片熱線或致電：63836568
|
鍾意就快D Share啦！
|
|
|