陳豪直認自己「孟母三遷」！
藝人陳豪出席MOSTown新港城中心全新命名揭幕禮，台上司儀陳智燊（Jason）問陳豪有關近日搬屋的傳聞，陳豪直認係「孟母三遷」，由大埔搬往南灣遷就仔女返學：「小朋友返學喺港島區，終於都向現實低頭，唔想小朋友花時間喺車程上，真係嘅！父母係會為仔女搬屋。」
親子關係最緊要
新手爸爸Jason即場向陳豪請教如何湊仔，陳豪稱冇特定方法，認為親子關係才最緊要，他說：「今時今日我都學緊。（有乜嘢難倒你？）日日新鮮日日『甘』，同小朋友嘅關係係要時間，小朋友光陰好快過、要珍惜。（過去一年有乜嘢難忘事？）每個小朋友出生嘅過程，每一個經歷都唔一樣，性格慢慢形成，對我嚟講，起身抱吓佢哋、鍚吓、攬吓就最Enjoy。」Jason爆陳豪曾經講過生仔好開心，問係咪生女仲冧？陳豪即解釋：「唔可以咁偏心，三個一樣愛、一樣錫，不過個女嗲啲，仔都黐我，邊個都鍚。」
時間係金錢
提到轉校搬屋，問是他的主意還是陳茵媺的主意？陳豪說：「大家一齊，三個小朋友，三間唔同學校，以前每日大埔、中環走六次，你話搬唔搬？小朋友仲上下晏班，仲有課外活動又補習。以前唔知，原來學校係最主要地方，細女讀咗二仔間學校，二仔讀咗大仔間學校，大仔就轉咗新學校，期待三個第時讀同一間。（南灣租金七萬，大埔租出六萬，仲欠一萬差額？）唔緊要，主要唔係錢問題，時間係金錢，小朋友最緊要學習。」
獨留太太湊仔女
他透露十月至十一月要到台灣拍無綫劇《殺手》，屆時靠太太照顧仔女：「好彩搬早咗、Settle咗，因為個幾月唔喺香港，可能請假返吓嚟，或者全家嚟台灣探我，不過又好奢侈，聽就幾開心，真係嚟幾日好大陣仗。」
來源 source: http://hk.on.cc
|
鍾意就快D Share啦！
|
|
|
