【獨欠吳美珩】美魔女團宣萱聚會 賀Do姐61歲生日 __,吳美珩,宣萱,

已經登「陸」嘅Do姐鄭裕玲，嚟緊周日（9日）係佢61歲生日，一班好姊妹顧紀筠、宣萱、劉曉彤、邱凱敏，噚晚佢哋一班美魔女團提早為Do姐慶生。Do姐噚晚喺 ...

已經登「陸」嘅Do姐鄭裕玲，嚟緊周日（9日）係佢61歲生日，一班好姊妹顧紀筠、宣萱、劉曉彤、邱凱敏，噚晚佢哋一班美魔女團提早為Do姐慶生。

Do姐噚晚喺佢嘅Ig度分享合照，收到兩個花花蛋糕嘅Do姐留言︰「Thanks so much girlfriends! Belated birthday greetings to顧老闆。」Do姐今日再喺Ig貼相，原來上周六（1日）係顧紀筠56歲生日，大家都同佢補祝生日，Do姐留言︰「再來幾張昨晚聚會的相片，最後那個蛋糕不是送給我的，因顧老闆也是9月份生日，這個是她的兒女所送的，很別緻！」

原來顧老闆收到囡囡送嘅生日蛋糕，係一個名牌款式嘅化妝箱同手袋，仲特別整咗啲化妝品做裝飾，最特別係有兩隻可愛小狗造型嘅公仔，相當有心思。

有唔少網民留言賀佢哋兩位9月星辰，不過有網民留言︰「美珩呢？」係喎，美魔女團仲有吳美珩，可惜佢息影後，神隱多年，對上一次吳美珩現身美魔女嘅聚會，已經係舊年11月啦。

精選娛聞，喺晒《娛果》

http://fb.com/appledailyent

一班好姊妹為Do姐鄭裕玲慶祝61歲生日。（ig圖片）	Do姐已經「登陸」，且保養得宜。（ig圖片）	 宣萱等嘅美魔女團，喺豪宅度賀Do姐生日。（ig圖片）
 顧紀筠同Do姐都係9月生辰。（ig圖片）	 Do姐貼咗呢張相，係顧紀筠囡囡送俾媽咪嘅蛋糕，好別緻。（ig圖片）	 顧紀筠9月1日56歲生日，當日佢收到囡囡送嘅蛋糕。（ig圖片）
 息影咗嘅吳美珩，依家好少見到佢，舊年11月佢難得同美魔女團姊妹聚會。（ig圖片）

來源 source: http://hk.entertainment.appledaily.com

鍾意就快D Share啦！

下一篇 》