雨僑急撲機位返港。
藝人雨僑與老公羅力威大阪度蜜月撞正最強颱風「飛燕」襲日，面對關西機場恐封一個月，不想無了期呆等下，惟有自救求出路，雨僑憂心說：「現在當地情況很亂，公共交通工具都冇位呀，連車都驚租唔到，所以要走的話，惟有改飛宮崎，這是最好的辦法，東京福岡名古屋機位也要排到10幾號，票價已升到萬幾蚊一張，一票難求！我們一行五人是最後訂到宮崎那班機的乘客，最黑仔的是我們五個都沒有帶國際車牌，即使有車都開不得，惟有四處「撲」車！JR要轉四五程之餘唔係近，要推住幾個喼，都要搭大半日，若搭巴士就要一晚通頂坐十三個鐘。」她說也不知道前往宮崎是否最佳選擇，暫時行程和價錢是最適合她們，「我哋五個比較後生行遠啲都無所謂，總括而言這次大阪行十足走難一樣！」
雨僑連番頻撲搶機位和車票，終於撲到搭內陸機往宮崎後，感覺猶如中獎一樣：「總算鬆一口氣，內陸機都近嘅，兩程機都收到confirmation㗎喇！連日來在大阪街頭沿途撞到好多香港人，喺餐廳大家都好似相識嘅朋友一樣，傾吓點返香港，大家都有不同選擇，有啲有小朋友、老人家都唔想去咁遠。」她說有逃出生天的感覺，故索性在宮崎訂一間resort給自己抖抖，當玩多日補償。
來源 source: http://hk.on.cc
|
鍾意就快D Share啦！
|
|
|