德甲班霸拜仁慕尼黑開季成績差勁，盛傳教練尼高高華帥位不穩，前阿仙奴領隊雲格則被視為下任主帥熱門。「雲爺爺」日前宣布明年1月正式復出後，拜仁慕尼黑突然宣布今日(周五)將會召開突發記者會。德國《圖片報》消息指，今次記者會絕不尋常，尤其拜仁「3大巨頭」會長漢尼斯、主席路明尼加同體育總監沙歷咸美斯都會出席，而對上一次有呢個排場嘅記者會，正正就係上年宣布軒歷基斯回巢執教嘅時候。
《圖片報》指今次記者會將喺香港時間今日下晝6點舉行，先係尼高高華進行賽前問答，之後就輪到「3大巨頭」會見媒體，不過主題暫時不明。有德國媒體分析，今次安排係尼高高華先做賽前記招，所以肯定唔會立即被「炒魷」，至於「3大巨頭」出現肯定係有重大事件宣布，如果單純表示支持尼高高華，佢哋3人早就向傳媒表達過，唔需要開記招咁多餘，所以唔少球迷就估計，今次有機會宣布雲格喺1月上任，呢個方案亦同雲格之前所講嘅說話吻合。
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
