放手放開所有 彼此更自由 放手 其實我絕非愛得不夠
今次真係唔輪到林峯唔放手喇！同身家過百億嘅施伯雄行埋唔夠一年，千語BB已經火速同男友喺舊山頂道豪宅築愛巢 ，距離嫁入豪門嘅目標，又近咗一大步喇！
去完歐遊返香港嗰日，千語BB同Brian 直接返咗去位於舊山頂道曉峰閣愛巢。落車嗰陣，又咁啱落住毛毛細雨，濕咗身嘅BB著住件白tee ，黑色bra top 現曬形，不知幾咁誘人呀！之後兩個夾手夾腳，將啲行李推返晒上樓。咦？咪住先！BB嘅新居又係舊山頂道，咁咪同林峯屋企好近囉？
睇返地圖，原來BB而家住喺舊山頂道嘅曉峰閣，同林峯嘅帝景園啱啱對到正，只有一條馬路之隔，用腳行都只係一分鐘咋！愛巢千揀萬揀，竟然揀番喺舊愛林峯嘅對面，唔係咁窄呀？
不過話時話吖，BB而家為咗迎合新歡，衣食住行，除咗「住」，可以保持以前嘅質素之外，其他都要降呢lu!BB一向最鍾意就係shopping ，以前拎住個十幾萬Hermes 去林峯細佬嘅畢業禮。家陣用啲包包，全部兩萬蚊有找，差一截喎！仲有一向定時定候會帶BB周遊列國嘅林峯，去到邊都俾BB瘋狂入貨，連胸圍都買埋俾佢。最緊要嘅係無論去到邊都有頭等坐，有五星級酒店住，仲有司機stand by，簡直係公主式嘅享受。
相反千語BB而家就要坐Econ call uber，努力適應慳家生活。無論林峰幾愛都好啦，始終都阻唔到千語BB放長線鈎大魚！雖然林峯老豆有「廈門李嘉誠」之稱，身家絕絕對有返咁上下，但拍埋施伯雄度⋯⋯⋯Brian嘅家族係著名政協世家，剩係持有南區舂坎角三幢相連嘅獨立屋，已經幢幢過億啦! 所以無論家底同財力，林峯都仲差一截，輸俾鑽石級情敵，今次冇仇報
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
