苟芸慧嘅感情世界，就同佢嘅體重一樣咁坐過山車。
華姐選美出身的藝人苟芸慧，入行多年、體重數字好似坐過山車咁大起大落，至於感情方面，最終情歸陸漢洋，從此過住童話式浪漫生活。
索爆期
苟芸慧挾持「翻版林熙蕾」之名奪得2009年國際中華小姐冠軍，隨即加入無綫，被公認為氣質美女，更獲力捧拍劇，但就因為廣東話發音唔標準，因此被封為「鄉音四人組」成員之一。而當時索爆嘅佢，2010年同羅天宇發展「姊弟戀」，可惜戀情維持兩年就分手收場。
暴肥期
回復單身貴族嘅苟芸慧，2012年同天王郭富城拍廣告而傳出緋聞，當時被指界入城城同熊黛林戀情做「小三」。緋聞帶旺苟芸慧人氣，當時短短兩個月即被邀出席多個活動，但因為壓力同緋聞，令佢甲狀腺出現問題導致體形腫脹，體重飆升至170磅。除慘被封為「肥苟」之外，工作亦要急急叫停。
變瘦期
休息咗一排嘅苟芸慧積極減肥，2016年仲以弗爆姿態歸位，回復當年選美身材，同時亦與錫礦大王後人陸漢洋傳出緋聞。翌年苟芸慧宣布2016年年底已離開無綫，以及承認同陸漢洋拍拖。今年二月，苟芸慧喺社交網宣布接受男方求婚，二人上月更秘密喺多倫多註冊結婚。
來源 source: http://hk.on.cc
|
鍾意就快D Share啦！
|
|
|
