真的，認了嗎？
言承旭說：「最要感謝女朋友在拍攝現場的陪伴。」邊個係女朋友？？？？
言承旭同林志玲呢段情，糾纏多年，分手復合分手復合已經講到膩變成馬英九看手錶啲friend。不過，近日言承旭喺日本舉行寫真集發佈會時，講到拍攝期間點滴，言承旭竟然爆咗句：「最要感謝女朋友在拍攝現場的陪伴。」係咪有好消息準備宣佈？
刻意到咁樣，無非為sell書。寫真集以「約會」為主題，東京取景，加上多種「女友視角」照片，包括床照。發佈會上，言承旭問fans最喜歡邊一輯，幾乎毫無遺漏都係答「床照」。
至於嗰句「最要感謝女朋友在拍攝現場的陪伴。」言承旭話對方令佢可以喺拍攝過程中，真實呈現攝影師所要求傳達「約會互動時男友視角的甜蜜」，而且更話因為有女朋友喺度，令佢「兩天的拍攝工作疲憊感一掃而空」，真係Sweet到呢！
雖然言承旭講到咁白，但有人問佢女朋友係邊個嗰陣，佢就只係好燦爛咁笑一笑，未作任何回應。而今一向低調處理感情事嘅佢，竟然公開講出「女朋友」三字，令大家都認為佢即將會公開戀情。
不過，據知喺發佈會前兩日，言承旭喺東京舉行見面會嗰陣，佢就曾經表示希望大家可以多看身邊在乎自己嘅人：「當我放下驕傲、自尊、或被看不起的心情，才發現原來我可以做得更好、原來我可以不需要那麼多理由去解釋，而應該是反過來去沈澱自己、面對自己那些不足的地方。」當時亦已有人問佢係咪要結束單身，而言承旭當時只以笑回答，估唔到兩日後，佢就公開認愛喇！
精選娛聞，喺晒《娛果》
http://fb.com/appledailyent
| | |
|
鍾意就快D Share啦！
|
|
|
