呢幾個月大陸政府嚴管影視圈，一方面打壓藝人拍戲身價，一方面又加重稅同查藝人瞞稅，搞到成個影視圈人心惶惶，大家做都唔敢太高調。好似趙麗穎同馮紹峰、唐嫣同羅晉兩對情侶辦喜事都要靜靜雞，唔想成為關注目標。
今年40歲嘅馮紹峰同30歲嘅趙麗穎，因上年拍《西遊記·女兒國》撻著咗，兩個人愛得火熱，8月發現有咗個幾月，馮紹峰知道後好開心，即刻同女友求婚，趙麗穎答應之後，佢兩個9月1日已經喺上海民政局進行結婚登記，因為馮紹峰係上海人，領證後就正式成為合法夫妻，第二日佢兩個就秘密由上海飛到深圳，然後再坐車到香港度蜜月，狂買嬰兒用品。有傳o依家趙麗穎接近有3個月身孕，等個肚再大啲，相信就瞞唔住，佢哋等緊一個適當時候公布喜訊，有指女方始終唔想俾外界知係奉子成婚，但呢樣嘢好難瞞得住
至於曾演《歐洲攻略》嘅34歲大陸女星唐嫣，佢同36歲嘅大陸小生羅晉一樣係奉子成婚，今年5月底羅晉已証實女友唐嫣有咗，到後來佢又喺微博發表同唐嫣會喺呢個月結婚，有傳本月28日佢哋會去維也納舉行婚禮，只請極少影視圈好友去觀禮。一對新人嘅意思就想結完婚回國，先會將婚訊消息向外發布，事前會一切保密。
星皓老闆王海峰應該係紹峰同趙麗穎媒人，因為係佢撮合佢兩個喺《西》片合作，問到佢知唔知佢兩個上個月已經結婚？佢話：「唔知喎！冇聽佢兩個報喜，如果係真嘅話，咁當然恭喜佢哋永遠要幸福同開心。」
精選娛聞，喺晒《娛果》
http://fb.com/appledailyent
| 趙麗穎同馮紹峰奉子成婚。（微博圖片） | | |
| |
|
鍾意就快D Share啦！
|
|
|