正當教育局局長楊潤雄表示將來中文發展以普通話為主，質疑廣東話會否長遠時，馬來西亞華裔歌手黃明志卻堅持唱作廣東話歌，大玩粗口諧音的作品《擊敗人》，在網上更得破千萬點擊。高官眼中的糟粕，卻成為了黃明志走紅的法寶，他早前接受《蘋果》訪問時也表示：「廣東話係好好玩，因為廣東文化係好深奧嘅。」
撰文：曹家誠
攝影：沈健程
華裔網絡歌手黃明志一直以來爭議不斷，曾被指侮辱馬來西亞國歌、辱罵當地能源公司，更多次向當地政府嗆聲，前年更被指對伊斯蘭教不敬，而被警方扣押四天。他的歌曲，也是爭議不斷，不時踩界玩18禁，如歌曲《啪啪啪》，又或是《擊敗人》中大玩廣東話、台語粗口。
自小在馬來西亞長大的他懂馬來語、海南話、福建話、普通話及廣東話，擅於將貼地題材加入不同語言的歌詞之中，他五年前大玩廣東話粗口諧音的作品《學廣東話》，在網上大受歡迎，香港網民紛紛以粗口大讚：「真係好X正！」MV更在香港拍攝，有旺角街景、電車、黃大仙廟、茶餐廳等，比起香港歌手還要貼地。前年推出抒情歌《擊敗人》，除了歌名是台語髒話諧音，歌詞亦包含了不少廣東話粗口諧音，將兩地髒話合而為一，MV點擊更破千萬。
| | |
「一粒粗口都冇」
在馬來西亞長大的黃明志看港產片長大，自小又用Beyond的歌學結他，所以即使他近年才學習廣東話，但已寫過《學廣東話》及《擊敗人》等廣東歌，內有不少粗口諧音，歌詞十分抵死。黃明志日前在銅鑼灣接受《蘋果》訪問，他解釋自己只是在玩文字遊戲：「其實嗰啲係情歌，連諧音都唔係，只要你哋睇深啲歌詞，一粒粗口都冇嘅，係睇你點睇，如果你對眼污糟啲，就睇到污糟嘢囉，但如果你對眼深啲，就睇到深啲嘢嘅囉。」
能夠將粗口諧音玩得出神入化，黃明志應該對廣東粗口相當有研究吧？他笑說：「又唔係好有研究啦，因為聽人哋講就學咗少少，始終男仔交朋友就係一定要學呢啲開始。」黃明志坦言每次創作有關廣東粗口或諧音的歌曲時，都要請教很多朋友才可以完成：「因為廣東諧音好深嘅，好多意思轉嚟轉去要諗好多，但廣東話係好好玩，因為廣東文化係好深奧嘅。」那麼他對廣東話粗口認識有幾多？黃明志說：「香港常用廣東話就嗰五個字囉，最重要嗰五個字，但係我就唔係好識使用嗰五個字放喺歌詞入面，係有啲學問喺度。」記者即席考黃明志港式潮語及粗口，雖然他對「負皮」、「FF」等潮語一知半解，但「DLLM」等廣東粗口就完全難不到他。
香港粗口正宗
黃明志坦言廣東粗口在吉隆坡及怡保等中部地區很流行，因為當地有較多華人，他補充說：「因為我係南部人，所以大部份廣東粗口都係中部嘅朋友教我，加上我有聽香港嘅歌，睇TVB同網絡節目去學廣東話。其實大馬嘅地道粗口會夾雜咗好多馬拉文、福建話同埋英文，所以我認為最正宗嘅一定係香港。」
除了粗口歌外，黃明志的音樂作品亦有很多意思淺白的貼地題材，而《不想上班》相信是他最易引起香港人共鳴的作品：「呢首歌係一齣電影嘅主題曲，電影講嗰男仔不想上班，咁我就寫咗一首好似好放鬆心情嘅歌。」早前山竹襲港，黃明志都知道香港人打風都要上班的苦況：「我有睇過新聞，覺得好慘囉，嗰啲風打到好似《侏羅紀公園：迷失世界》一樣，咁都要上班真係好慘。」
想唱《海闊天空》
黃明志將於11月28日在九展Star Hall開個唱，問他會否為香港站作廣東新歌，他說：「可能有，𠵱家到演唱會仲有少少時間，我仲寫緊。」反而黃明志仍未決定邀請哪位香港歌手擔任嘉賓：「仲未請到，希望可以有得閒嘅嚟做我嘉賓，暫時我最熟嘅係G.E.M.（鄧紫棋），但係佢𠵱家好似喺內地好忙。」黃明志又表示如果有機會，屆時一定要唱Beyond的《海闊天空》，因為上次香港主辦單位不讓他唱，他希望今次可以完成心願。
|
鍾意就快D Share啦！
|
|
|