翁嘉穗最近周圍飛，所以都係等大仔12月返香港先慶祝。
前港姐冠軍翁嘉穗（Virginia）出席龍皇酒家飲食集團呈獻「龍皇慈善壽宴」，她透露今日到場試菜，又表示很喜歡飲湯水。（屋企唔同嘅成員會有唔同嘅口味？）係呀，好似先生同大仔就鍾意清淡嘅湯，自己就咩都OK。（係咪因為大仔鍾意運動要keep身形？）都唔關事嘅，佢本身就鍾意食清淡啲，不過佢去咗美國讀書，就可以就少佢一個人嘅口味。」
等大仔回港慶祝破世界紀錄
講到大仔Jason近日喺美國參加舉重比賽，更勇奪世界賽嘅冠軍，並打破兩項深蹲同硬舉嘅世界紀錄，Virginia表示：「原本想飛到當地同佢慶祝，但因為九月先去過一次美國，所以唔想飛得太密，惟有等佢12月回港先慶祝。」提到現時忙於東華三院總理的工作，又要照顧細仔，是否很忙碌？她說：「下星期就要出席春秋二祭，又要過澳門，行港珠澳大橋，又會去當地嘅醫院交流下，都忙架，同埋傳統春秋二祭係為市民祈福。」問到忙碌過後會否為自己安排一個假期？她坦言：「有諗過去馬爾代夫或者去日本，兩個地方都有唔同嘅玩法，都係諗住同屋企人去，帶埋細仔。（唔同老公過二人世界？ ）啱啱去歐洲個幾月都冇帶細仔去，返到嚟陌生咗，佢都嬲嬲哋，叫佢嗌媽咪佢就嗌爹哋，所以今次都會帶埋佢去。」
來源 source: http://hk.on.cc
|
鍾意就快D Share啦！
|
|
|
