謝霆鋒現身銅鑼灣，即時被人海淹沒！
藝人謝霆鋒由影帝踩過界成為星級廚師，今年初更獲頒「世界首位米芝蓮之友榮譽星廚師」，煮出國際的「Chef Nic」自然吸引到不少品牌合作，早前與連鎖式快餐店合作，設計港式地道風味漢堡包，霆鋒更為親自創作廣告主題曲《青空》。
日前，霆鋒走勻港九鬧市拍攝新歌MV，為配合歌曲同廣告講述霆鋒對香港這個家的思念及回憶中熟悉的味道，霆鋒走到港九富特色的地方取景，當中包括尖沙咀海防道大牌檔、九龍城街市海味店、觀塘、旺角及銅鑼灣等等。到達旺角、觀塘等人流眾多的旺區時，導演巧妙地遷就時間，成功避開途人耳目，令拍攝可以順利進行。
謝霆鋒喺出面呀
但去到銅鑼灣時，由於多個check point都滿布途人，在百德新街的運動舖門口時，霆鋒就被大批途人圍觀，最搞笑是去到希慎廣場的大型電子用品商店地舖門外，一名途人看到霆鋒後，竟然興奮到打開大門向舖內大叫：「謝霆鋒喺出面呀！」隨即惹來更多途人包圍，幾乎將霆鋒淹沒於人海裏。
事後談及拍攝感受時霆鋒說：「雖然有好多途人圍住，但個感覺係好親切，特別喺大牌檔，嗰種風味、情懷，唔會有一間餐廳或者喺其他地方搵到。」至於被途人大聲洩露行蹤，霆鋒就笑笑口話：「其實我平時真係好少出街，就算出街，最多去嘅地方就係街市或者超市，好少喺街度行，可能大家冇諗過會喺條街見到我，所以先至會咁興奮。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
