掃呢頁CODE去手機

2018年10月29日 星期一

鍾欣潼:冒生命危險拍婚照 阿嬌照鏡嚇親自己! __,鍾欣潼,阿嬌,

呢個經歷夠晒難忘!女星鍾欣潼(阿嬌)與男友賴弘國的擬結婚通知書日前曝光,兩人計劃於12月18日註冊,20號擺酒。阿嬌今日現身電影《失蹤》的煞科宴,講到 ...


呢個經歷夠晒難忘!


女星鍾欣潼(阿嬌)與男友賴弘國的擬結婚通知書日前曝光,兩人計劃於12月18日註冊,20號擺酒。阿嬌今日現身電影《失蹤》的煞科宴,講到結婚的籌備進度,她稱剛從墨西哥影婚紗相返港:「好靚,去咗五日,我係冒生命危險咁做,因為係影水底婚紗相,得十幾度好凍、好幸苦,浸咗幾粒鐘,個靈感係來自《侏羅紀公園》。不過化完妝之後我好似去咗萬聖節咁,但化妝師堅持,話水底化妝係唔同,我化深咗幾度,老公就化白咗,落水前都唔敢影相,返到酒店望住塊鏡我都嚇親自己,本來想喺餐廳食嘢,但都好想快啲上房。」

兩年後先生小朋友

阿嬌稱仍未派喜帖,只發了電子請柬,回禮禮物亦製作中,問到幾時休息準備結婚,她開玩笑說:「冇休息,做到九十九。其實之前喺美國已經做晒所有儀式,20號只係擺酒。(同老公有冇意見分歧?)上次美國我請80人都有意見不合,但今次冇,我同佢去完英國做真人騷,返嚟覺得心態好好,賺咗同老公相處時間,而且信任度大咗,收穫好大。」問到老公是否不介意做幕前?阿嬌卻問非所答:「照顧小朋友真係好難,但個節目令我反省咗好多,成長嘅家庭對小朋友將來影響好大,要教好小朋友先要父母做得好。(生仔未?)未,兩年後先,啲話我有孕味其實唔係(有咗),我會減,結婚前會瘦,同老公有共識唔生住。」

鬼壓床急Call老公求救

另外,談到該電影,阿嬌透露早前到了八仙嶺及烏蛟騰外景,當日37度,曬到不得了,幸好未有中暑,問到有否發生靈異事件?她坦言:「係日抖戲,冇太陽就收工喇,冇遇到。司機畀恐怖片我睇,我冇睇,冇理到,我好驚靈異事。」她自爆之前去武漢開Twins演唱會試過鬼壓床:「仲要係唔止一次,我好驚,當時一個人喺酒店,即刻call老公,本來佢嚟唔到,雖然佢喺大陸,但佢都即刻搭高鐵趕過嚟,當時仲有大雪,好多嘢都delay,遠水不能救近火。(有冇同拍檔蔡卓妍講?)佢都知,不過我無謂嚇親佢。(老公趕過來好感動?)感動都冇用,佢都救唔到我。」


來源 source: http://hk.on.cc
鍾意就快D Share啦!