84歲的譚炳文今日在中環出席有關注心臟的活動，女兒譚淑瑩全程陪伴，炳哥一直撐著雨傘借力，大合照和受訪時都小心翼翼坐下。
炳哥透露17年前做過心臟手術，現在有定期檢查，每兩至三個月便覆診一次，他說情況好好：「17年前check極都查唔出有事，後來做道管檢查就查到，依家有做運動同物理治療，但飲食我冇戒口，唔通年紀大就唔食咩？神經！好味嘅嘢我就食。」
對於岳華逝世，曾合作的譚炳文未知消息，得知後感到愕然。炳哥透露二人於三四年前在加拿大合作，他說：「佢做中文電台，仲同佢做訪問，識佢嘅，但好少合作，係可惜。但做人好化嘅，唔使緊張，所以做人唔好恨咁多，就算有過億身家都帶唔走，最緊要健康，只有健康嘅身體係屬於自己。佢唔係好老，我大佢超過10年。」
炳哥指大家間中會食飯見面，又盛讚岳華是好戲之人。問到最近有沒有探望老拍檔李香琴？他表示沒有聯絡，又稱以前是拍檔，但工作完很少見面。
|
鍾意就快D Share啦！
|
|
|