譚炳文驚聞岳華離世。
資深藝人譚炳文到上環出席心臟健康活動，曾患心血管疾病的他表示每三個月會定期做身體檢查，問到報告是否「靚仔」？他笑言：「梗係個醫生都跟足我17年，3年前怕血管再塞，但咩事都冇。」
譚炳文指18年前發現患病：「當時塞咗兩條半血管，之前睇幾個醫生都冇發現，睇晒香港、加拿大都話冇事，但我點解會氣喘呢？最終做心導管先發現。（戒口？）冇戒喇，幾廿歲、好食咪食囉。」
提到岳華離世，譚炳文驚訝反問原因，又說：「同佢拍過電影，佢咩事呀？我只知佢去咗溫哥華，三年幾前喺當地電台見過佢、做訪問，識咗幾十年，不過少合作。我都睇得好化，梗係覺得可惜，過番去安安定定，仔女又大，但咁就走咗，即使有過億身家都帶唔走，最緊要開開心心、健健康康。」
來源 source: http://hk.on.cc
|
鍾意就快D Share啦！
|
|
|