網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月29日 星期一

馬浚偉:馬浚偉茹素不適入院檢查 __,馬浚偉,

去咗深水埗busking。藝人馬浚偉主持節目《同理.繼續走》晚上首播。為配合宣傳,他聯同大班受訪嘉賓到深水埗busking,期間大會推出蛋榚,為10月 ...


去咗深水埗busking。


藝人馬浚偉主持節目《同理.繼續走》晚上首播。為配合宣傳,他聯同大班受訪嘉賓到深水埗busking,期間大會推出蛋榚,為10月26日47歲生日的他補祝,場面相當熱鬧。馬浚偉即場演唱幾首勵志歌曲,並且不時介紹他14集節目內訪問的嘉賓,當中包括有癌症病患家庭、跨性別人士及唐氏綜合症者等等。他坦言:「我喺深水埗長大,基層出身。呢個世界有好多人活喺困難之中,人人生而平等,極其量只有壞人及好人之分。希望大家有同理心,大家傷痛過後積極面對生活。」

唔想出街

事後受訪時,提到生日慶祝活動,他感性表示:「前一日去咗拜媽咪,喺教會同神傾偈。依家我唔係咁想出街,本身太多嘢做,又要返學,明年公司又擴充,加上每晚10、11點自自然然想返屋企,所以即使多朋友約,我都推咗。」他笑言自己至親及老友其實全都在自己公司上班:「日日對住都悶啦。(冇私生活?)係喎。」

一個月前開始茹素的他,自爆期期身體不適應,曾入院作檢查:「好彩醫生話係我突然唔食肉,搞到血壓升高啫。(咁忙冇時間瞓覺?)計過每晚有四粒鐘。嚟緊我要舞台劇綵排及演出,四月公司開電影,跟住我會喺十月舉行暫定七場演藝學院嘅演唱會,依家開始傾緊巡迴,工作檔期排到後年上半年嘞。」

有女埋身

談到拍拖問題,他又打趣:「冇時間識女仔,但好多女仔嚟識我,我喺北大返學日日都有女同學及女老師等我放學,質素仲幾高嘅。(有乜生日願望?)一切平安、順利。」


來源 source: http://hk.on.cc
鍾意就快D Share啦!