阿女又靚又有才華，本身都已經係女神級！
歌手王梓軒新歌《寄居太虛》MV，邀請龔慈恩愛女林愷鈴（Ashley）擔任女主角飾演聾人，他大讚對方專業，有藝術氣質：「其實Ashley真係好適合我心目中個女主角形象，我哋需要一個外表係弱質纖纖、但內心好強嘅女主角，之後我哋先知佢對中提琴係幾有信心，所以就搵佢飾演一個殘障嘅音樂家。」
他笑言早前與龔慈恩合作時，對方向自己「推銷」女兒優點：「唔好誤會呀，龔姐係話佢有個女對藝術好有興趣，希望未來有機會就音樂上夾一夾。Ashley真係好有家教，又知書識禮，我哋從雜誌睇到佢訪問，真係好叻女，所以咪搵佢做MV女角！」
林愷鈴為投入角色，專程向聾人學習手語：「原來真係好難，手語係要配合埋表情先有完整意思，我好開心透過今次MV對呢方面有所認識。媽咪都有同梓軒合作過，佢讚Jonathan好乖仔、好有才華，係一個藝人嘅榜樣，要我好好學習。」
來源 source: http://hk.on.cc
|
鍾意就快D Share啦！
|
|
|