陳奕迅（Eason）與曾奪兩項大滿貫冠軍的前中國網球名將李娜，昨晚獲邀在維園進行一場「星級名人賽」。Eason完賽後接受訪問，他說：「今次係好大嘅榮幸，可以同李娜打波，對方係兩屆大滿貫得主，其實前晚我好緊張瞓得好差，因為我已經成年冇打波。」問到是否滿意表現？他說：「算係咁啦，始終佢哋都有留力，我明白場波要有啲娛樂性，但我都唔可以太渣。」
Eason又透露早在數年前已認識李娜，又透露曾經與鄭潔打波，大讚對方發球力發千鈞：「其實已經同李娜、王薔約好，希望明年有機會可以再一齊打場波，我會花多啲時間練波，始終我攞到李娜嘅球拍，仲要有手汗我會搵保鮮紙包好佢。」
| | |
食麵做吹神
另外，Eason前日已在維園練習，練習過後，與球會高層、助手及員工等，一行多人去了天后一間食店吃牛腩麵，邊吃邊聊，貫徹「吹神」作風。離開食肆後，眾人去到附近一間體育用品店，見到Eason在店內試波鞋，逗留接近20分鐘才離開，隨後折返維園。
採訪：曹家誠
攝影：陳慧安、梁繼光
|
鍾意就快D Share啦！
|
|
|
