「女人唔一定要結婚，最緊要有個伴！」47歲的阮小儀說。
身材嬌小的小儀，仿如金庸筆下的「天山童姥」，樣子完全不似已到虎狼之齡，精靈活潑，96年加入商台做DJ，一份工至今做了22年，工作上搵到了長期飯碗，但愛情上仍然尋尋覓覓！
如果轉行，想做甚麼呢？小儀笑說：「梗係想做家庭主婦啦，哈哈哈！如果轉行嘅話，我希望可以做同動物有關，如果唔諗錢，做義工開心嘅，冇壓力，我好知足，比上不足比下有餘，同森美、林海峰比梗係唔得，但我一個屋邨妹，有依家生活已經好滿足。」
雖然想做家庭主婦，但小儀認為女人不一定要結婚：「女人最緊要有個伴，身份唔一定係老公，年紀越大發現老公不忠，離婚手續好繁複，如果係伴侶隨時拍下籮柚走，唔使畀筆錢律師賺，係相愛嘅話唔需要婚書，當然呢樣我要教育屋企，因為爸爸媽媽好傳統，覺得女人要有頭家才安穩，但我覺得有個伴緊要過老公。」
47歲的小儀仍未放棄愛情：「我努力中，仲有一口氣唔會放棄，因為身邊好多單身女仔選擇放棄，覺得自己40幾歲，自己唔係被揀之列，但我覺得唔好咁灰心，首先好多弟弟鍾意姐姐仔，失婚男士都唔差，有經歷反而為對方着想。身邊男人同我差唔多年紀，佢哋想識20幾歲，但真係追到原來唔開心，每日都擔驚受怕，因為知道女仔身邊有其他人追，而其他人後生過自己，成日猜度懷疑，最終都係散，所以搵差唔多年紀係舒服啲，人生去到埋尾階段都係希望風平浪靜，滑浪嗰啲都係後生時候玩。我唔係嫁唔出，未嫁啫，唔代表人生失敗，近年多咗獨立女性，安於自己歲數活得快樂，魅力先會出現。」
最後小儀畫出心目中的白馬王子：「塊面有好多鬚根，男人有好多毛髮好吸引，我唔要佢好似猩猩咁多心口毛手毛，但剃完鬚塊面有少少嚡嚡哋，感覺好有安全感，呢啲先係男人，如果滑過我，搵個女人都得啦，我幾鍾意有少少大男人性格，女人要有一個好man好強好多主見男人，先畀我有小鳥依人感覺，佢要生活上智慧叻，我係小富婆，唔使佢辛苦賺錢，最緊要氹到姐姐我開心，哈哈！」
精選娛聞，喺晒《娛果》
http://fb.com/appledailyent
【編輯推介】
【Marvel之父離世】Stan Lee感謝粉絲最後片段曝光
http://bit.ly/2TmsGnZ
【立立哭了】訪問中斷 洪卓立落淚說分手：我仍然相信愛情
http://bit.ly/2OLMGwI
【小玉、花輪送別】《小丸子》作者獲千人悼念 櫻桃子自畫像作靈堂照
http://bit.ly/2qNLeA7
【獨家】年中與女友分手 英識教育創辦人Samuel讚唐詩詠：She is great
http://bit.ly/2zXC74e
【一張圖回應火炭麗琪】王敏奕被鬧「八婆」 曾國祥貼蜜照撐女友
http://bit.ly/2FA4FXk
| 小儀唔恨結婚，只想搵到一個心靈伴侶。（攝影：陳俊強、廖達燊） | | |
| |
|
鍾意就快D Share啦！
|
|
|